人氣男團MIRROR 3子Anson Lo（AL）、Jeremy及Edan難得農曆新年有假期，日前齊齊接受訪問時，Edan提議開枱大發新年財，Jeremy亦贊成：「可以一邊打牌一邊傾偈，增進友情。」兩人又指在眾多「麻雀腳」中，ERROR成員肥仔堪稱「雀王」，Edan稱肥仔是其打麻雀的啟蒙老師，笑言：「都交咗幾千蚊學費。」Jeremy亦說肥仔叻在可諗出新穎玩法。
至於AL自言有落場「戥腳」，但經常被雀友嫌棄：「因為我好渣，唔識做大牌，同埋打得好慢，係『站長』，有時會孖Stanley（邱士縉）夾份玩，一人打一半。（Stanley咁好人？）係我好人，因為佢成日輸錢。」Edan即幸災樂禍的笑言：「佢（Stanley）好樂意同你夾份打牌，因為係輸Lo Lo啲錢。」
問到3子的新年展望？Jeremy就祝願：「MIRROR演唱會可以順順利利，同埋做多啲歌，我個人就順順利利，我會出新歌。」AL的願望相約，首先望可盡快推出團歌：「啲粉絲都好期待，好似好耐冇出團歌，其實我哋都揀咗歌，覺得首歌係好新Style，而自己就想作多方面嘗試，上年以音樂、表演為主，今年年中就有機會拍劇，都好耐冇拍，我都期待拍劇嘅日子。」Edan和兩位隊友願望一致，除想推出團歌外，亦望製作團綜節目，他謂：「做多啲團嘅嘢畀粉絲睇，（個人願望呢？）出多啲單曲，同埋多啲人入場支持我齣賀歲片。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
