拍拖3個月極速閃婚：無所謂㗎，咪結囉
江美儀與吳君祥的戀情當年備受矚目，但其實兩人的步入婚姻殿堂的決定相當倉卒。在專訪中，陳志雲問及兩人的婚姻歷程，江美儀透露兩人當年僅僅拍拖了極短時間便決定結婚。江美儀回憶道：「幾個月，三個月囉，就結婚喇！」。她坦言當時的心態非常隨性，當男方提出求婚時，她覺得「無所謂㗎，咪結囉！」
前夫已有新歡拒打擾：憧憬拍拖唔憧憬一齊生活
被問道二人現時的關係，江美儀表示兩人現時「OK啦，係好朋友」，但她強調不會過度介入對方的生活，尤其考慮到男方現時已經有新的另一半：「因佢而家有另外一個了嘛，所以我唔會成日搵佢，即係真係有需要搵先搵啦，唔係因為憤怒而分手。」至於被問到對愛情是否還有憧憬時，她笑言：「我憧憬拍拖，但我唔憧憬一齊生活。」。
年輕時曾渴望做媽媽 現徹底打消生育念頭
至於生兒育女，江美儀直認年輕二十幾歲時也曾非常渴望做媽媽，甚至會主動去抱別人的BB，但無奈當時身邊的伴侶並沒有這個打算。時至今日，她已徹底打消了生育的念頭，坦言現時的自己已經沒有耐性和能力去照顧一個新生命：「我未必要咁嘅耐性，同埋未必有咁嘅能力囉。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
