▲12年前，小男童呼籲「二手煙危害」的廣告深入民心，昔日童星已經長大
【童星/吸煙廣告】螢幕或廣告裡的小童星，長大後都會變晒樣，12年前曾在煙害廣告中亮相的「病樣小男孩」Ugo，近日於 Threads現身，再度掀起網民熱議。當年以病態形象提醒吸煙危害健康的他，如今已成為17歲的大男孩，外型充滿星味，更撞樣初出道的姜濤！
最新影片：
廣告童星｜帥氣男生撞樣姜濤
Ugo在Threads上載廣告舊照與近照對比，並留言「you broke my heart」。近照中，他留有中長曲髮，身形健碩，穿背心大晒粗壯手臂，只目Ugo谷到手臂青筋曝現。
另外，年幼時眼細細的Ugo，長大後五官端正，某些角度跟剛出道時的姜濤似樣，氣質與眼神亦被網民拿來與ANSONBEAN相比，翻看他的IG，Ugo以韓文發帖，打扮亦偏韓風，令外界猜測他或在當地留學。
廣告童星｜自稱無拍過拖
Ugo的標緻外貌令網民大讚：「原來父母食煙，會導致個仔咁靚仔」、「食二手煙食到咁大隻」、「靚仔得過份」、「長髮都好睇」。有人好奇他是否吸煙，他則直言自己與家人都不吸煙，並於Threads自介中留言「食少啲煙」。或許Ugo外貌太吸睛，更有人問他有沒有女友，他即回覆：「A0」。
雖然是單身兼未拍過拖，不過Ugo似乎都渴望戀愛，去年12月，他透露到另一所學校考試，在考場上遇到令自己心動的人，當中Ugo形容對象：「中晒我type ，同佢對望咗10秒沉爆」，他更形容是「聖誕節冇拖拍的後遺症 」。
廣告裡小童星｜「每日喺街邊比遺棄」
Ugo過往亦曾在社交平台自嘲。他分享過一張印有自己樣貌的煙盒被棄置街頭的照片，笑言：「每日都係街邊垃圾桶、廁所比人遺棄，但唔care，因為係chill guy。」足見他幽默感十足，有人甚至留言：「sorry 今日行行下街唔小心踩到你。」
此外，他曾公開當年廣告casting影片，引來廣泛討論。負責拍攝的攝影師留言：「個樣無變，仲係咁靚仔。」藝人霍哥亦留言：「我望左（咗）你幾年啦。」
相關報道：
兒童理財︱鄧一君教3大部分處理孩子利是錢 存入兒童銀行戶口忌做1事
童星重聚｜Jacky仔移民日本轉型做呢1行業 王樹熹為童年被當搖錢樹平反：收入係負數
日本留學｜「美心妹妹」Celine日本升學3大注意事項 楊鎧凝1招增強外語能力
🔔TOPSchool收藏心水學校+做問卷贏走香港迪士尼樂園門票2張【點擊參加】🔔
🔥免費索取「升小一選校及面試攻略班」影片【送升學面試攻略本】【點擊索取】
🎓TOPSchool全港中小學校搜尋器，比較+收藏心水學校，入HKET App即用！
Follow TOPick Whatsapp頻道🔔，唔會錯過熱門話題!【點擊Follow】
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|
