藝人洪永城（Tony）與太太梁諾妍（Inez）於2021年結婚後肓有大女「Sir Face」洪靖嵐，和細女「Sir Nose」洪靖愉（Beryl），日前細女Beryl兩歲生日啦，兩公婆今日（23日）於社交網大晒為女兒舉行生日會時拍下的影片，看到生日會於户外舉行，有不少家長帶同小朋友出席，一眾小朋友於草地上玩耍，場面熱鬧，梁諾妍和大女Inez更向Beryl送吻，非常溫馨！
梁諾妍留言：「親愛的佛妹豬，轉眼間認識了你2年，呢2年你快速成長，食得瞓得屙得玩得，你同家姐都係洪家的開心果，你又好愛錫Molly家姐，又同Sirface家姐攬頭攬頸，學嘢學得好快，又好淡定，又可以同大家打成一片，成個見慣世面嘅大家姐咁，多謝你選擇我同Sir做你父母，我哋前世一定做咗好多好事今世先有呢個女兒，爹哋媽咪好愛你。（雖然你愈嚟愈Sirface，但係阿媽我更愛你）祝你2歲生日最快樂，你要繼續開開心心健健康康就足夠了。」
而洪永城亦有於社交網出Post為細女慶生，更出賣Beryl的「為食」樣，留言：「祝我家嘅為食妹，兩歲生日快樂！爸爸祝你快高長大，好快識得自己開雪櫃、自己搬櫈仔摷零食，不過食還食，記住搭條菜啊！」相中，Beryl食飯完全不用父母費心，飲奶和食嘢都食到津津有味，認真叻女，網民紛紛送上祝福之餘，更大讚Beryl愈來愈可愛呀！
另外，藝人楊潮凱昨日（22日）在社交網大晒大女心悅（Catharine）8歲生日派對的照片，身為廿四孝老竇的他花盡心思，送女兒一個超難忘的生日，他留言：「爸爸諗咗好耐，今年生日到底有咩可以送畀你，爸爸想你過一個超難忘嘅生日，於是乎我決定親手做一個生日蛋糕送畀你！希望你喺好多年後睇番今日嘅相片，你會記得曾經有個傻爸爸為你做過一件咁有愛的事情。」
而他親手炮製的生日蛋糕，是動畫《Zootopia》的造型，認真犀利！他嘟嘴錫啖女兒，女兒開心笑晒口，但正如黃智雯留言笑指：「你好似開心過阿女」，他回覆表示：「係，因為我好期待佢收到個蛋糕時的反應。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
