此外，講到譚輝智與羅啟豪將成為最先開紅館的《中年好聲音》參賽者，龍婷指自己都隨時準備好。而談到近日相繼有「中1生」離巢，問到是否覺得因無綫太多選秀節目，僧多粥少影響機會，龍婷理解有很多人會這樣想，但她有另一套看法。
預告大唱80年代Disco串燒歌 自爆橫財運一般最勁曾中金蛇
先說演唱會，龍婷指今次又可以乘機買新歌衫，至於歌單方面，她希望挑戰從未做過的80年代Disco串燒歌。而今次也會去澳門銀河開騷，也順道寓工作於娛樂，她說：「我之前有去銀河做過幾次賭場唱歌嗰啲show，又好食又好住，好似去度假咁，大家都可以去借啲意睇演唱會去澳門玩一轉，真係幾好玩。（問：你最鍾意食咩？）我鍾意食馬介休球！」去澳門當然要賭兩手，龍婷自言不算有橫財運，但試過在拉斯維加斯贏過100元美金，去年也有澳門玩老虎機贏了1000元。至於人生中過最大的大獎，她笑說：「最高一筆獎勵就係舊年我哋TVB喺油麻地跨年，榕樹頭嗰個，我中咗條金蛇，我同修哥（胡楓），目前為止最高啦，第時唔知。」
生日與Fans慶祝難忘收金造靚相 下月澳洲演出
4月3日是龍婷生日，她說自己一向不太慶祝，最多是煮餐飯給父母，但自從入行後就會跟Fans慶祝：「自從有咗fans之後，就唔係我嘅生日，係大家一齊玩嘅理由！我前幾日朝頭早起身，開電視撳YouTube，我睇西洋菜街最後一日嗰條片，有啲已經去咗第二度，冇所謂，好似見到好多好朋友咁，但係有好多都係一路跟住我嘅，我睇返啲片，呢個旅程真係幾好玩。」問到收過什麼Fans送的禮物最難忘，她指試過收蛋糕、朱古力，但最難忘是一張金造的龍婷照片，她認為十分保值：「我話下一年可唔可以大啲？哈哈，講笑，其實送咩俾我，大家一齊製造嗰個氣氛，個情緒價值係最緊要。」下月中她將與劉洋、李金凱去澳洲演出，她直言今年沒舊年忙，但反而有時間思考如何做得更好：「每一次做演唱會，都可以加埋之前做嘅經驗，好似頭先你問我，有冇新嘢做，有呀，我有新嘢做，同埋好啱嗰個場地做，大家一齊起身輕鬆吓！有時音樂做得好，唔使嗌佢哋就會起身，我都好想做一個好輕鬆嘅，大家一齊玩嘅。」
譚輝智羅啟豪率先登紅館 龍婷視之為目標：有機會一定衝
《中年好聲音》歷屆選手中，由譚輝智、羅啟豪率先跑出，登上紅館舞台開演唱會，問龍婷會否視紅館為目標，她表示：「唱歌嘅人都係想去紅館開演唱會，都係我夢想，我暫時未得住。但係我舊年唱到今年，每一場加埋都……其實我一次過唱紅館或者分開十場做，我覺得都幾好呀。（問：會往呢個方向進發？）其實我呢個人，我時刻準備住，有機會一定衝上去，我唔會拒絕，我好珍惜每一次演出！」
「中1生」相繼離巢因機會少？龍婷靠直播積極開拓內地市場
近日同屆「中1生」林彥言 (林鉫徫）、魏嘉信相繼離開無綫，問龍婷會否覺得因為選秀節目太多，僧多粥少下令各位簽約後機會不夠，龍婷說：「正常都會咁樣諗，但係我反而係掉轉，我覺得幾時都係自己有能力或者自己去爭取一啲機會，我唔係話好主動嗰種，但係係邊一方面呢？我會喺呢段時間，喺演唱會同演唱會之間，我去做直播，因為呢排香港可以做抖音直播，之前唔可以，我咪做多啲直播囉，都會接到內地邀請參加活動。香港你見到啦，幾多藝人幾多歌手，香港都係始終得香港咁大，但係如果我可以多啲出去喺內地或者外國，個市場係大好多。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
