▲「小恩子」黎瑞恩長女曾凱栭大學畢業。
【小恩子 / 黎瑞恩 / 90年代歌手】「小恩子」黎瑞恩（Vivian）長女曾凱栭（Sheree）於2021年中學畢業後轉到澳洲升學，小恩子不時飛往當地陪伴女兒。昨日（3月27日），黎瑞恩在個人社交平台騷愛女成長及大學畢業照，表示見證愛女戴四方帽在台上面一刻，感動到典禮未開始已經喊咗，心情非筆墨所能形容。
小恩子分享喜悅寫道，「由你幼稚園畢業到你大學畢業🎓我都從未缺席過🥳見到你戴四方帽喺台上面嗰一刻，我好似開水喉嘅眼淚😭心情真係非筆墨所能形容，恭喜你呀😃」。
她表示自己手機相簿充滿仔女成長印記，廿幾年見證阿女由肚裏面的一粒豆，變成現在一起傾心事、載她去街，又提她「Mom你咁樣唔得㗎」，長大後開始識照顧媽媽，一切令小恩子百般滋味在心頭，覺得好神奇，「雖然有時好勞氣，但係有98%都係開心嘅😉」。
小恩子感恩上天賜她一對仔女，眼見仔女成長，亦放手讓他們展翅高飛，希望仔女人生自己話事，只要健康同快樂就足夠。
黎瑞恩發文原文如下：
早晨呀各位
幾日前我個女終於大學畢業喇好想同大家分享我嘅感受同喜悅呀
由你幼稚園畢業到你大學畢業我都從未缺席過見到你戴四方帽喺台上面嗰一刻我好似開水喉嘅眼淚心情真係非筆墨所能形容恭喜你呀終於完成你人生第一個必須嘅考驗我真係百般滋味在心頭
我嘅手機相簿就係你同細佬嘅成長印記
20幾年我見證你喺我肚裏面嘅一粒豆變成今日可以同我傾心事車我去街街提我「Mom你咁樣唔得㗎」等等我真係覺得好神奇你哋終於長大喇可以照顧返我喇
好感恩上天將你兩個賜俾我雖然有時好勞氣但係有98%都係開心嘅
你成日問我阿媽你覺得這樣好唔好那樣好唔好嘅時候
我嘅答案好簡單
你嘅人生自己話事
我只想你健康同快樂就夠喇
# 典禮未開始已經喊咗
星二代丨黎瑞恩女兒21歲生日有星味 單親媽媽獨力湊大子女：沒甚麼特別
黎瑞恩女兒︱《一人有一個夢想》大受歡迎
現年53歲的黎瑞恩是90年代人氣玉女歌手，，與劉小慧、湯寶如並稱「寶麗金三小花」。
她憑《發誓》、《陽光路上》、及《愛你這樣傻》、《愛你這樣傻》等金曲迷倒萬千宅男，當中《一人有一個夢想》更是當年大熱歌曲，更為她贏得多個樂壇獎項，包括首次奪得1993年度十大勁歌金曲頒獎典禮「十大金曲獎」。
在2002年，黎瑞恩與金利來太子爺曾智明結婚，婚後育有一對子女，分別為長女曾凱栭及幼子曾浩儒（Tyrone）。
黎瑞恩女兒︱離婚獨力湊大子女
她淡出娛圈相夫教子，可是在2014年傳出曾智明在廣州包養小三逾兩年，有指第三者比黎瑞恩年輕約20歲，同年二人宣布離婚，黎瑞恩由豪門少奶變為單親媽媽。
當年報道指，曾智明每月給予20萬贍養費和千萬身家予黎瑞恩，不過遭黎瑞恩否認，期間她更一度患上抑鬱症。
黎瑞恩女兒︱腫瘤神奇消失
黎瑞恩曾接受鍾慧冰YouTube節目「冰姐的花樣人生」訪問透露，自己早年因情緒抑鬱，試過在超市突然頭暈，送院檢查後發現胰臟有兩粒良性腫瘤。當時的醫生說，大多病患到末期才會被照到，幸她黎瑞恩的腫瘤是良性，但腫瘤一頭一尾黏著其他器官，如果要施手術切除腫瘤，同時要把每個相連器官切除三份之一。
但黎瑞恩不想接受手術，可是醫生也表示「冇藥食」，只能半年檢查一次，但她因擔心多次照CT（電腦斷層掃描）被輻射「照出癌症」選擇不治療：「醫生都唔理佢了，開心啲喇，有得玩就玩，有得吃就吃，總之自己想做咩就去做」。神奇的是，8年後她因腹部劇痛入院，擔心病情惡化之際，卻發現那兩粒瘤竟已消失，只留下兩撻疤，她表示：「原來你開心嘅話，所有嘅病都會冇事。」
另外，黎瑞恩曾接受TOPick專訪表示，身為單親媽媽獨力撫養子女令她領悟更多，稱：「覺得做媽媽應該學會放手，終日擔心他們做不到，他們就不會長大。我話不准時，他們常問點解，又和我講人權，便告訴他們我過往也反叛過，犯過的錯，希望他們明白我的用意。」
最新影片推介：
🔔參加「BB第一次珍貴時刻」攝影比賽贏迪士尼飛+TOPick開屏廣告位！【點擊參加】🔔
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|
