歌手許廷鏗早前禍不單行，繼打Pickleball整親腳之後，又因落樓梯踏錯腳，跣咗落10級樓梯，左手受傷要做手術，需休養一段時間的他，昨日現身一間公司的周年晚宴，負傷上陣的左手戴上固定支架，大唱首本名曲《青春頌》改編版，唱到尾聲時一度感觸落淚。他上載片段到社交網，一眾網民大呼感動：「第一次見有歌手唱Annual dinner唱到喊，不過呢首絕對係香港人嘅集體回憶。」、「我好鐘意呢首歌，就因不再青春，每次聽都被歌詞所觸動。還是年青的朋友們，好好活在當下，享受最動人時光。」
許廷鏗多謝在場觀眾對他支持，並表示於支持者身上得到正能量：「我會帶住呢啲Energy灌注落我呢隻手臂，希望可以做更加多音樂去咁近距離唱歌畀你哋聽。做音樂、做歌手最大嘅意義就係咁樣！所以我係冇諗過今日會發生啲咁嘅事，多謝你哋！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
