夜王｜勢成黃子華第三部票房破億電影 導演吳煒倫稱要改叫︰億神
問到林熙彤及麗英，對於幾位男士似乎想走數，不穿護士服謝票。Mandy譚旻萱語帶失望表示︰「啲男人係咁！」而林熙彤及麗英就表示唔會放過幾位，會幫幾位試造型。至於Mandy自己，就對護士服不感興趣，反而自薦要著校服︰「我要做學生妹，仲要搵番讀書時套校服出嚟，我有熨好收起的。」至於芯駖就話要著Mandy在戲中著過的黑絲，事關拍攝時整爛過很多對，有大把貨。而楊偲泳就反傳統，建議玩密實，著潛水衣謝票。
問到楊偉倫、何啟華及盧鎮業（小野），各有走數的替代方案，首先阿卵就覺得太護士未必好睇，建議自己可以著病人衫，小野就想扮醫生，著醫生袍加副眼鏡扮程至美。何啟華更加將話題拉到去既然下部戲護士為主，大可以拍一套《內臟大冒險》，自己飾演腎。
不過楊偉倫覺得這個團隊合作得好開心，所以拍咩都冇所謂。「由拍攝、宣傳到謝票都好開心，導演又好關心人，唔好見佢個樣惡惡地，我懷疑佢以前係做社工，成日都關心我哋，好有愛的團隊。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
