《再見UFO》由梁栢堅執導，苦等7年終於上畫，並順利贏得個人首個最佳導演。梁栢堅在台上表現有點顫抖，自言做了30年導演，起起落落浮浮沉沉。「相信大家好多做導演嘅同業都有呢個經歷，但只要有希望，唔好放棄！」他又特別感謝太太的體諒︰「導演嘅待業率非常之高，試過有三年冇工作，太太曾輕輕同我講，諗吓有冇工轉？但佢畀我繼續浮沉落去，呢個獎有一半係畀你。」
梁栢堅有跟過不少名導擔任副導演，最緊密合作的有吳宇森。而在台上他特別感謝徐克，雖未合作過，但也教曉他不少東西。隨後更要多謝《再見UFO》的監製錢小蕙︰「佢畀一個好好劇本我，呢個劇本非常難得，講香港人故事。」
隨後《再見UFO》奪得最佳電影，監製錢小蕙在台上高呼戲中對白︰「MAYDAY MAYDAY ，緊急呼叫《再見UFO》嘅台前幕後唔該快啲上嚟！」而另一位監製，現已為TVB高層的黃德慧亦致辭感謝評委及投資者︰「呢段時間唔容易，真係唔容易。呢一刻喺香港拍電影，係要有堅持、恆久嘅忍耐，好多謝我哋嘅領航人Amy Chin（錢小蕙）。」
最後錢小蕙感謝團隊及同業外，亦感謝七年來在自己身邊講加油的每一位朋友，更特別多謝華富邨居民。「我要多謝我喺天上嘅媽媽，以前我每參與一部電影，佢都會幫我祈福，我相信佢今次都有。最後我要多謝我自己。今日係2026年4月19日，希望大家都可以，再見UFO。多謝。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
