有「六合彩之子」之稱的蔡國威最近因在《中年好聲音4》以「唐伯虎」出場再度人氣彈起，雖然蔡國威未能逃過被淘汰命運，但也令不少網民大拍手掌。人氣急升，隨之而來可能就是工作增多，但現年52歲的他昨日（26日）突然在社交平台發文，表示自己身體響起警號，更屙出血尿，令人擔心。
蔡國威在社交平台上說：「報告出咗……..其實喺15/4，我如常早上做運動，然後跑步，跑嘅時候有少少痛，最後都完成，跟住沖涼嘅時候，發生血尿(係好恐怖，全部都係血紅色)，所以我就即刻去醫院睇醫生，隨後轉介睇泌尿科專科醫生，要約做各種檢查，包括再驗血和尿，電腦掃描，照膀胱鏡…..感謝神，感謝大家嘅祝福，首先可以撇除咗好多最唔好嘅嘢，相信亦搵到原因，但係依家暫時需要用藥物去治療同觀察，之後都要盡快處理，或需要做手術,再次多謝大家關心，感謝醫生護士們悉心照顧，我會好快好返晒！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
