熱爆娛樂: 「大馬歌后」龔柯允爆被「名氣超大藝人」欺負：打招呼跳過唔望我 #龔柯允

2026年4月2日星期四

「大馬歌后」龔柯允爆被「名氣超大藝人」欺負：打招呼跳過唔望我 #龔柯允

「大馬歌后」龔柯允（Karen）曾參加《全民造星3》來港追夢，有「馬拉Karen」之稱。龔柯允日前上新城知訊台《樹窿78號》接受訪問，爆在人生高峰期有許多人在身邊圍繞，但竟曾經被一位同「非常大（名氣）嘅artiste」當眾無視，幸得一位「前輩嘅前輩」出手相救！

龔柯允爆曾被名氣大女藝人當眾無視

龔柯允在節見上揞名爆曾被一位名氣超大藝人無視，她說：「我曾經見過一個非常大（名氣）嘅Artiste啦，我唔開名喇，咁我一入去，咁我嗰陣時只不過係一個𡃁妹，無人識我。佢即刻係打招呼跳過，但當然佢唔識我係邊個啦，但佢係望都唔望我嗰隻」

幾位大馬姑娘楊秀惠、林宣妤、李幸倪（Gin Lee）、廖子妤、龔柯允互相扶持。（IG：@vvyeo）

「前輩中嘅前輩」出手相救

主持問到龔柯允是否望不到她，龔柯允笑說：「有可能」。龔柯允續說：「坐低之後介紹，佢係不屑望我，即係『哦，呢一個係Karen。』佢係不屑望我，跟住就靜晒。點知有一個真係前輩之中嘅前輩，佢就話：『呢個係我呢排好欣賞佢嘅女歌手嚟㗎，我會睇住佢』嘩，即刻嗰晚打邊爐係咁夾餸畀我呀！」

有人在訪問片段下留言問：「唔知呢個大artiste仲活唔活躍喺呢個圈」，龔柯允則回應：「好八卦咯」。