3月下旬開始舉辦嘅上海時裝周星光熠熠，近日多個品牌大騷邀請到大批巨星現身，就連賭王兩位千金何超蓮及何超欣都係座上客，令成個騷場升咗成個Level。當中賭王三房千金何超蓮與台灣男神許光漢、張鈞甯、范曉萱、內地女星白百何、余承恩、胡先煦等同場，更獲安排同許光漢並肩而坐，俊男美女同場，令現場生色不少。出席慣時裝周嘅何超蓮全程氣定神閒，從容現身，明星光環閃耀，與多位女星相比更勝一籌。
同場，許光漢遇上張艾嘉兒子王令塵，曾與張艾嘉合作嘅許光漢同王令塵份屬好友，二人一見面即傾偈擁抱。張鈞甯則以全黑造型詮釋高級感，活動生圖被讚氣場強大且狀態極佳，不過短髮造型亦被部分網友指酷似花輪同學。
至於賭王四房千金何超欣則現身另一時裝騷，與早前爆紅嘅內地男神宋威龍、歐陽娜娜同場睇騷，超欣同樣獲安排與型男宋威龍坐，鮮少出席時裝活動嘅佢，就表現怕醜，未敢主動同宋威龍互動，更被發現時不時有偷望對方，Cute爆舉動同樣被網友關注。
另外， 內地「85花」唐嫣都有睇其他品牌嘅騷，佢以改良中山裝立領外套搭配束腳褲，低飽和卡其色自帶柔光，被讚將東方氣韻與鬆弛感完美拿捏。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
