陳家樂首度入圍爭金像影帝最想多謝嫲嫲 曾資助學費：好支持我 #陳家樂

陳家樂今日（10/4）現身又一城出席手錶品牌活動，提及即將舉行的《第44屆香港電影金像獎》首度入圍最佳男主角，作為影壇新晉準影帝的他在接受《香港01》 ...

陳家樂今日（10/4）現身又一城出席手錶品牌活動，提及即將舉行的《第44屆香港電影金像獎》首度入圍最佳男主角，作為影壇新晉準影帝的他在接受《香港01》訪問時心情興奮：「其實都有朋友叫我寫定感言，咁樣會比較穩陣啲，而我又真係未有落手寫，但個腦越嚟越多一啲我想多謝嘅人，變咗而家我一路都喺度回憶緊，有啲咩人我要特別要多謝佢哋。我好期待同享受嗰一日可以見到大家，過往都有出席頒獎，但就未試過入圍，而今次係我第一次，咁所以係好想去好好咁享受。」

陳家樂與嫲嫲感情深厚。（IG@carlosbb）

分享入圍喜訊　嫲嫲反應淡定

陳家樂一向與嫲嫲感情深厚，被問到有沒有將入圍影帝的好消息告知長輩時，家樂笑言已經第一時間向嫲嫲報喜：「嫲嫲佢係好似代表啲咩，而我有同佢講今次我入咗圍，亦係對我嚟講係一個好重要嘅提名嚟，而佢只係話咁好啦好啦，都恭喜你啦。嫲嫲佢喺我好細個嘅時候都好支持我，記得嗰陣時啱啱入行要去培訓，又要錢，佢都有幫我交咗好多學費，我真係好感謝佢。」



陳家樂首入圍第44屆香港電影金像獎「最佳男主角」。（吳子生攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》