藝人譚永浩早前曾參加《中年好聲音4》，以蒙面身份「鹿七伯」登場，最終於比賽早段止步無緣晉級，他昨日（17日）在社交平台宣布結束13年無綫生涯，並指為了做這個決定掙扎了兩個多月，他大感不捨，但認為要成長學會獨立，所以要離巢向外闖。
他發文寫道：「各位同事，我走喇。呢個決定，我掙扎咗兩個幾月。真係好唔捨得。不過要成長，就要學會獨立，係時候要撇一撇，出去闖。感恩喺大環境轉變之前嘅嗰十年，能夠加入TVB。從《獎門人》嘅「獎品先生」，到節目常規主持；從一出場就被斬死嘅士兵，到劇集主要角色；仲有機會企喺大騷上唱歌跳舞，甚至唱劇集插曲。多謝呢度帶畀我嘅一切，每一步，都係我嘅足印。我會帶住喺度學識嘅技能、心態、經驗，出海尋找自己嘅光。媽媽永遠都係媽媽，屋企永遠都係屋企。感激旦哥、樂小姐、珍姐、Sandy姐、Herman，多謝你哋。最後，衷心多謝劇組同節目組，每一位起用過我嘅監製、導演、PA、AA、編審、編劇。多謝你哋令譚永浩能夠喺唔同嘅地方吸收經驗，我真係好感受到大家對製作嘅用心，同埋嗰份難得嘅人情味。眨吓眼，13年。我會記住每一張臉。我哋江湖再見。#再見 #tvb」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
