現年59歲，憑一曲《難得有情人》走紅嘅90年代天后關淑怡（Shirley）宣布退出樂壇後，去年10月突然爆出其病危入院消息，震驚整個娛樂圈。據知情人士稱家人發現佢於寓所中暈倒，即報案急送入醫院深切治療部（ICU）搶救，傳病情一度危殆，佢與寧波車所生、於美國升學嘅23歲獨生子關浚賢，當時立即趕返港陪伴，一度擔心到於病房門外抱膝痛哭。幸吉人天相，逾半個月搶救後Shirley病情已轉趨穩定，需要長時間靜養，家人考慮安排將佢轉往私人醫院。近日有人於平台開post透露關淑怡目前最新情況：「現在Shirley Kwan逐漸康復，但要在家長期休養。」事件迅即引來唔少留言。
網民續指：「其實Shirley Kwan大致上是好，但始終身體不像以前那般健康，要長期休養。她都算很堅強，昏迷咗兩星期，奇迹地甦醒，算叻女，現在只祈求身體健康、生活愉快。」有人詢問消息來源，該爆料者指身邊有朋友認識SK，但不便透露詳細。大批網友即留言支持關淑怡：「多謝update，確實知SK清醒平安休養中就好了。」、「Shirley的確係一個戰士，今日佢病咗，有人祝福佢早日康復，有人唔睇好，但Shirley仍然強大健在，佢真係火鳳凰嚟。」、「SK平平安安健健康康。」、「浴火鳳凰形容佢最貼切，最符合佢喺舞台嗰種王者風範。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
