兩位選美出身的藝人陳煒（煒哥）及朱晨麗（朱朱）自多年前合作拍劇後結成好友，齊為對方追尋幸福之路打氣。說到人生經歷，煒哥一定比朱朱多，感情方面亦一樣，眼見好姊妹仍未有着落，煒哥都感性謂：「多對眼同多把口應該幫到忙，點都畀到啲提點啩！」她又大爆朱朱性格傳統，為了準備日後生育，嚴控飲食，更爆對方雪卵都唔諗：「佢就係傳統到要自然受孕呀！」
1996年亞洲小姐冠軍陳煒與2011年港姐冠軍朱晨麗雖然以參選不同的選美活動而進身娛樂圈，但8年前因合作拍無綫劇集《多功能老婆》後成為閨密，多年來姊妹情有增無減，又異口同聲形容對方「骨子裏藏男子漢性格」，故從未試過發生衝突或生對方的氣。近年都只是傳與富二代拍拖的朱朱，更不諱言羨慕煒哥覓得好老公，日前二人接受本報專訪，朱朱指自己見證着煒哥被愛神眷顧，到如今變成幸福少奶奶：「未見過一個老公咁支持同緊張自己老婆嘅事業，每次煒哥有新劇出街，佢先生一定喺通訊軟件群發宣傳，叫大家多多支持，真係冧爆！」
提到丈夫，煒哥嘴角自然微微向上揚，完全沉浸在幸福之中，眾所周知煒哥廚藝了得，更有「人妻天花板」美譽，不過她指老公恍如大細路，於飲食方面向來沒甚要求：「我拍戲佢就慘嘞，求其食嘢咋，所以一有時間我點都返一返屋企處理家務。」對於老公與朱朱關係如親兄妹，煒哥笑說：「梗係啦，佢（朱朱）第一次見我老公就嗌姐夫嘞，依家佢有乜頭暈身㷫，我老公都會自動波睇吓有乜要幫手。」
苦無「筍盤」介紹
煒哥揚言日後朱朱覓得真命天子時，她一定會「反見證」，朱朱現時自稱單身，但煒哥笑言手頭上卻無合適人選可介紹給她：「我老公嘅朋友個個都已經成家立室，我嗰班朋友又識咗好多年，其實朱朱都識晒，唔啱都真係冇計！」煒哥眼中的朱朱是特別傳統的中國女性，為求傳宗接代嚴格管理身體：「有次約佢食飯，我提議不如去食日本嘢，佢完全唔使諗立刻拒絕，原因係覺得魚生有可能受污染，又驚賀爾蒙失調會影響日後生育。」至於雪卵備用，煒哥即笑謂：「佢就係傳統到要自然受孕呀！」令人忍俊不禁。
朱朱承認自己經常會接受身體驗查，醫生表示其狀況比實際年齡還好，生育絕對沒有問題，又感謝煒哥不時請食燕窩花膠，令她成功凍齡。至於擇偶條件，她表明不揀擇，形容只要擁有健康的異性就得，她謂：「遇到啱嘅我一定唔會收埋，感情事要同姊妹分享商量，希望有生之年可以經歷婚姻」煒哥即感性回道：「多對眼同多把口應該幫到忙嘅，成功同失敗嘅感情我都經歷過，點都畀到啲提點同意見啩！」
煒哥視朱朱如值得人疼錫的妹妹，特別欣賞對方隻身來港發展，一切得來不易。朱朱則大讚煒哥：「未同佢合作前，已經成日聽工作人員講煒哥好鍾意煲湯，成日有好多嘢食，我梗係好羨慕同佢合作過嘅演員啦，估唔到話口未完就結劇緣嘞！平日佢又會約我同佢啲朋友行山食飯，位位有錢過我就爭住埋單，最特別係舊年年尾我生日唔喺香港，隔咗成個月班朋友約食飯，我以為係幫其中一位慶生嘅，點知推出嚟嘅蛋糕寫咗我個名，而煒哥就捧住束花出嚟送畀我，真係好感動！」
場地提供﹕蘭桂坊酒店鴨巴甸公館
本文作轉載及備份之用 來源 source: http://hk.on.cc
|
鍾意就快D Share啦！
|
|
|
