哥哥借千萬巨債不還
隨後陳先生再從追債人士收到哥哥的住址證明、身份證資料，以及一段哥哥出鏡承認借錢的影片。陳先生媽媽表示本來一起居住的哥哥亦已經遷出，連按揭也停止了供款，種種跡象可見哥哥經濟出現困難，陳先生粗略計算哥哥可能欠下千萬巨債。陳先生持續受到滋擾，無計可施之下唯有登報與哥哥脫離兄弟關係。哥哥突然主動現身致給陳先生，更澄清「沒有借錢」：「我Whats app最初收到嘅啲數都係有限，可能係20萬10萬到啦我估計。但去到最近1月份嗰間財務公司打嚟話佢差人超過8位數，咁基本上係一個天文數字。」
哥哥力指片段是由AI生成
哥哥對於陳先生問他有否拍過借錢片時，他更力指片段是由AI生成：「嗰段片，我同你講我唔認！嗰段片唔係我拍嘅，我冇拍過！」他表示當時只承認有借過兩至三個朋友的錢。哥哥被主持黎寬怡問到會否站出來承認責任時：「我已經盡量喺親戚朋友面前講返呢件事。」追債人士向陳先生表示叫哥哥出來面對：「你搵佢面對就得㗎啦，我梗係追錢啦，我借錢畀佢㗎嘛，佢還錢我咪可以攞返啲錢囉！你即刻打畀佢叫佢面對，你繼續錄你嘅音，總之我就係要整你。」
追債人士指哥哥欠他一千六百萬
追債人士表示：「我個老友就係因為佢阿爸先借畀佢，因為佢老豆同佢好感情先會借錢畀佢個仔，佢老豆都唔行出嚟，叫佢死啦。快啲買棺材死咗去啦，我送副畀佢啦。」追債人士更指哥哥欠他一千六百萬，對於被問到為何要向其他人追債，他則叫黎寬怡「唔好問」，更指不是自己做的。
追債人士更恐嚇哥哥如果不還錢，身邊的人一律遭殃
另一位追債人士則表示哥哥欠他6萬元，現在出來解決只需多付1萬元就可以。他更恐嚇哥哥如果不還錢，身邊的人一律遭殃：「你叫我唔好搞嘢，咁邊個畀返啲錢我？個客潛咗水去咗游泳，咁我唯有追住個單位搞，你明唔明白？報警有咩用啫？差人錢嘛佢，欠債梗係要還錢㗎」更直指進一步行動是「淋紅油」及「塞鎖匙孔」。哥哥似乎謊話連篇，但是出乎意料地，哥哥向一位沒有透露身份的知情人士通話，力數弟弟陳先生罪行，還指他才是整件事的幕後Big Boss。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
