藝人薛家燕今日（9日）出席慈善步行籌款開步禮。提對於明天是母親節，家燕姐表示晚上將與家人吃飯慶祝，明天則會出席新城為她舉辦的活動慶祝母親節，透露延開近70席，並邀請了多位好友包括周吉佩、張與辰及黑妹等出席。她表示屆時除了自己有表演之餘，5歲孫仔也會上台唱《真的愛你》，笑言自己應該會聽到冧，她説：「我有提孫仔大聲啲唱，不過佢歌詞好未必記得晒，記得嘅先會大聲，哈哈！」她指曾帶孫仔到新加坡出席活動，難得面對6千人也沒有怯場，又指孫仔有表演慾，加上會打鼓、彈鋼琴和懂得多種語言，笑言有自己基因。
談到李家鼎（鼎爺）家庭糾紛受社會關注，家燕姐表示有留意事件，坦言感到很難過，指鼎爺年紀大，為家人已付出了很多：「我希望做仔嘅多啲體諒佢，泳漢話搵唔到嘢做，其實只要肯做唔會話搵唔到，你要諗鼎爺年紀大，應該要好好照顧佢，同埋都好勤力做咗咁多年，屋企應該要充滿愛心，有時快樂唔一定係用錢去解決，鹹魚白飯又係咁食，畀魚翅我都係咁食，最緊要大家開心，佢都成81歲，唔好令到佢難過。」
家燕姐坦言鼎爺老淚縱橫讓她最難過，相信即使施明在天之靈也不想見到這個情況，希望他們以鼎爺為重心，不論發生任何事，讓老人家開心才是最重要：「得閒應該同鼎爺去飲茶，錢銀嗰度自己去爭取，有手有腳，就算做看更都有萬幾兩萬一個月，可以做到去爭取一啲嘢，都係一件好事嚟。」她表示若有需要自己可為泳漢介紹一些工作，指香港的好處是只要肯做，一定能搵食：「你做坐喺屋企啲錢唔會推埋嚟，無論咩工都好，最緊要要努力、勤奮向上，屋企以愛為中心，先至活得開心。」問到可有慰問鼎爺？她表示一來不知可以説什麼，二來擔心對方收到電話或會不舒服，故暫未有聯絡對方：「我覺得佢做咗父親嘅責任，唔需要有咩牽掛，得閒咪行吓，搵朋友傾吓偈，最緊要身體健康。（瘦咗好多！）佢之前好似係腸胃有問題，施明姐走咗對佢嚟講打擊都好大，亦好傷心。」她希望鼎爺要保重，其他事情不用理，最重要是身體好。她表示並不認識泳漢和泳豪兩兄弟，但間中會在公司碰到泳豪，覺得對方人緣不錯，很有禮貌為人OK，至於泳漢就未有接觸過。提到泳漢今日公開聲帶，表示鼎爺被泳豪夫婦軟禁及經濟封鎖，家燕姐指鼎爺應該也有積蓄，最重要是他們不要向鼎爺要錢，認為今時今日應該沒有軟禁這回事。對於片段中鼎爺承認泳豪不讓他外出，她笑謂：「我諗佢係一個藉口，佢唔想出嚟就真！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
