▲大仔廖文哲談廖啟智嚴父教育，思念亡母陳敏兒：佢一直慢慢同我哋告別。
- 陳敏兒離世享年66歲
- 廖文哲憶述父母嚴格教育
- 陳敏兒生前教導兒子疏導情緒
【廖文哲 / 陳敏兒 /廖啟智】已故演員廖啟智的太太陳敏兒，於6月12日因病離世，終年66歲，其安息禮遵照本人生前意願，將於星期四（25日）以私人形式舉行，但考慮到未能到現場的親友，家人特別安排於陳敏兒的YouTube頻道同步直播儀式。
現在雙親離世剩下廖文哲及廖文信兩兄弟，不免令外界憂心。廖啟智與陳敏兒大仔廖文哲日前接受由梁繼璋主持的《盡訴心中情》訪問，回應曾經被議論和誣衊性取向之餘，談到從前與父母的相處日常，分享爸爸對他的嚴格教育，及與媽媽相處的點滴。
陳敏兒逝世︱陳敏兒二仔發文感謝各界關心 廖文信網台「小薯茄」工作忙碌令媽媽心痛
陳敏兒離世｜大仔廖文哲談廖啟智嚴父教育：鐵漢柔情
陳敏兒與廖啟智早年結緣於TVB藝員訓練班，之後特意選擇在1987年11月11日註冊結婚，寓意「一雙一對、一生一世、白頭偕老」，婚後誕下大仔廖文哲、二仔廖文信及細仔廖文諾；然而細仔廖文諾5歲時患上血癌，於2006年4月離世，而廖啟智於2020年底發現患上胃癌，之後不到半年時間便病逝，享年67歲。
大仔在此次受訪回憶起與爸爸媽媽的相處，情緒平穩，他透露父親的教育方式嚴厲，但鐵漢柔情：「爸爸係鐵漢柔情，佢哋嘅教育方式係好講規矩，爸爸係比較嚴厲啲，做錯嘢會打一下手板。細個係有壓力，個個都知爸爸媽媽個名，反而唔知我係邊個，到大個咗搵到多啲自己，慢慢習慣咗。」
陳敏兒離世｜思念亡母陳敏兒：一直慢慢同我哋告別
廖文哲提到，自從父親走後，媽媽會教他與廖文信如何疏導情緒，她也一直慢慢地在與兩子道別：「爸爸走咗之後，敏兒姐教咗我同細佬點樣去疏導，今次面對呢件事，當然壓力大，亦都好傷心，我都掛住佢，但係佢一直慢慢同我哋道別，見晒所有想見嘅人，佢知道某一日會嚟，呢個媽媽都好特別，我相信將來如果再遇到挫折，都會用佢嘅方式提點我，因為佢好愛我。」
他續說：「敏兒姐佢真係好有愛心，會協調我哋嘅生活模式，智叔比較內歛，好有規舉，好似佢本身唔食煙，但係試過食飽飯都佢都願意陪我食煙傾偈，真係好正，呢份愛好直接touch到我。」
最新影片推介：
|
鍾意就快D Share啦！
|
|
|
