煒哥自爆遭「小鮮肉」狂撩
陳煒喺節目中坦言，當時該名男藝人喺拍戲期間對佢展開攻勢，甚至喺「語言上好多撩你嘅說話」。不過，面對呢段「我年長過佢好多」嘅年齡差距，煒哥態度相當堅決，她喺節目中公開表明，直言自己根本接受唔到「姊弟戀」，因此當時直接拒絕咗對方嘅追求。
網民「柯南上身」盲猜王梓軒
大批網民聽完煒哥嘅爆料後，隨即翻查佢過往嘅拍檔線索，結果將矛頭直指曾同陳煒喺劇集《多功能老婆》中發展過姊弟戀、年齡相差13歲嘅王梓軒（Jonathan）。網民更揪出王梓軒當年出席活動時嘅訪問言論，發現其「嫌疑」確實不小。
王梓軒曾多次喺訪問中公開大讚陳煒係「最正嘅女人」。網民翻出王梓軒當年出席活動時，曾多度喺訪問中公開大讚陳煒係「最正嘅女人」，更直認拍劇時真係有愛上對方，一時間少少抽離唔到角色。他當時大讚煒哥：「唔係千依百順，係有自己追求嘅事業諗法，自己都希望自己伴侶都係咁，但係難，咁多煒哥咩！」
當時陳煒已經同陳國強醫生拍拖一年多，王梓軒被問到係咪戲假情真時，更直言：「少少我要勒住自己，否則墮入懸崖，到時醫生（煒哥男友）會嚟搵我！」
陳煒現身留言區「還他清白」
眼見網絡上嘅討論越演越烈，老友王梓軒無辜躺槍，身為當事人嘅陳煒亦非常講義氣，完全不拖泥帶水，第一時間親自現身留言區，為前拍檔極力澄清：「絕對不是Jonathan（王梓軒），請不要誤會🙏🏻」
不過，隨住王梓軒洗脫嫌疑，網民反而更加好奇，到底當年那位大膽出言狂撩煒哥嘅神秘小鮮肉，究竟係邊個呢？
本文作轉載及備份之用 來源 source: http://www.hk01.com
|
鍾意就快D Share啦！
|
|
|
