被封為「千依百順型人妻」嘅女星陳煒於綜藝節目《夫妻肺片》自揭試過拍劇期間，被比自己年輕一大截嘅男藝人追求：「語言上好多撩你嘅說話」、「我年長過佢好多」，但佢表明接受唔到姊弟戀。點知節目一出街，網友即柯南上身，揣測男方有可能係同陳煒拍過《多功能老婆》嘅王梓軒。年齡相差13歲嘅二人，於劇中發展姊弟戀，當時王梓軒出席活動時，就曾於訪問中多次公開大讚陳煒，直認自己拍劇時有愛上對方，自己更有少少抽離唔到角色。佢形容女方係「最正嘅女人」，並表示︰「唔係千依百順，係有自己追求嘅事業諗法，自己都希望自己伴侶都係咁，但係難，咁多煒哥咩！」當時陳煒同陳國強醫生已拍拖一年多，王梓軒被問到是否真係戲假情真愛上陳煒時，佢直言︰「少少我要勒住自己，否則墮入懸崖，到時醫生（煒哥男友）會嚟搵我！」
見到網友熱烈討論，當事人陳煒都即刻現身，留言為前拍檔極力澄清：「絕對不是Jonathan（王梓軒），請不要誤會🙏🏻」睇嚟真相係另有其人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
