藝人戴祖儀（Joey）與丁子朗（丁丁）這對好友經歷過不少患難，Joey大爆曾為對方出頭，卻遭對方「出賣」，但仍盛讚丁丁是付出型暖男，不過就嫌對方太完美；丁丁則反過來自嘲高攀不起，以致兩人止步於螢幕情侶。
藝人戴祖儀與丁子朗因2021年合作無綫劇集《青春不要臉》而熟落，早前更孖吳若希同赴澳洲拍攝旅遊節目。從當年的青澀到如今的成熟，Joey直指兩人改變不少，然而無論處於哪一個時期，大家的相處永遠是舒服且安心，從來都是有話直說。丁丁大讚Joey表裏如一，是大家的開心果，會用盡每一條頭髮令身邊人開心，更不禁感嘆：「人生有咁嘅朋友真係好幸福！」Joey即搞笑附和：「我成日都好羨慕我啲朋友有我呢個朋友，哈哈！」
自認「義氣仔女」的她，自爆曾為丁丁仗義出頭，怎料反遭「出賣」，她說：「有次拍劇，當日場戲大家都着得好少布，我件衫係冇試身亦冇Pad，但喺冇通知我哋嘅情況下，劇組安排咗傳媒影相，其實我本身冇乜嘢，但丁丁覺得好嬲，我見佢咁嬲就嬲埋一份，仲出聲表達不滿話：『我覺得咁唔係幾好』，但丁丁由始至終冇出過聲，佢縮到去沙頭角！」笑到流眼水的丁丁，不忘補充自己的「惡行」：「我仲同導演、監製講：『唔緊要，我會同戴祖儀傾吓』。」Joey指現時若有同樣情況發生，她會有不同處理方法，加上在娛樂圈打滾幾年，情緒控制上已進步不少，很難令她動怒。
純友誼似雙胞胎
雖然曾被「背叛」，但Joey仍讚丁丁優點數之不盡：「佢係一個博學多才、好有想法嘅人，最欣賞佢有超強行動力。」在早前的澳洲之旅，她更深刻感受到丁丁作為「暖男」的細心一面：「佢知道吳若希記性唔好，我又經常唔聽人講嘢，所以最長、最難記嘅對白，都會由佢搞掂。我係一個『裝備人』，個袋勁重，但我經常發現我個袋喺佢手上，佢真係一個默默付出嘅暖男。」
縱然兩人互相欣賞又傳過緋聞，卻未能擦出愛火花，Joey斷言：「完全撻唔着！」她笑指丁丁實在太好，好到相處起來毫無挑戰性，丁丁幽默回應：「係我高攀唔起。」Joey大爆自己並非對方杯茶：「我知佢鍾意咩類型女仔，佢鍾意文青、有內涵同文靜嘅。」丁丁即反擊指她喜歡「高富帥」。兩人堅信男女之間有純友誼，更將彼此的關係定義為「雙胞胎」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
