94歲的演藝界常青樹胡楓（修哥）今日（7日）假紅館舉行《修哥九五至尊無限楓騷演唱會》，除了大批大批圈中好友到場支外，嘉賓陣容亦相當鼎盛，除了楊千嬅、周柏家、 BIG FOUR、草蜢、羅嘉良、陳松伶和汪明荃等外，還有張學友、陳奕迅、張家輝和莫文蔚等，可謂星光熠熠。網友更指是史無前例的超大型拚盤騷，值回票價。
歌手莫文蔚（Karen）擔任胡楓（修哥）的演唱會嘉賓，唱出《月亮代表我的心》及《呼吸有害》，唱畢後，Karen恭喜對方，並表示：「好開心可以同你唱歌，你個演唱會破紀錄，為你而驕傲。」修哥坦言Karen的出席令他驚出望外，大讚：「佢唔止唱歌好聽，演戲都好好，文藝片又得，喜劇扮醜女都得。」又指莫媽媽以前是無綫高層，也是靚女一名，以前大家都叫她「靚太」，Karen指媽媽也在台下觀看，笑言：「有個咁靚嘅阿媽，我先有佢一半咁靚。」本月2日生日的Karen更獲修哥送花及唱生日歌，令她十分開心。
嘉賓中最驚喜莫過於陳奕迅（Eason）登場，他跟舞蹈員齊跳唱《舊歡如夢》，期間又錫了修哥臉頰一啖。唱畢後，他跟坐在台上的前輩抱抱及打招呼，並自爆初入行跟修哥的一番說話，令他記憶猶新：「我好記得，我剛入行無幾耐我喺電視城化妝間見到修哥，我好開心走埋去打招呼，佢第一句問：『Eason，你有冇嘢做？』我話：『我做緊嘢喎。』佢話：『唔係，你有冇嘢畀我做？』，我問佢：『你唔係做緊嘢咩？』，佢話：『你第時記得有嘢做、啱我嘅，你就搵我。』呢句說話我記到依家，呢個前輩真係好鍾意做嘢，先會放低身段同後輩自薦同佢合作做嘢，真係好多謝你，呢句係學以致用。」修哥也指仍記得兩人當年的對話，又反問Eason是否還記得曾任他70歲時演唱會的嘉賓，他說：「記得，所以今日我唔可以錯過呢個機會，今日我想同大家講修哥係唔知我嘅出現，綵排我都冇綵，要好秘密，畀個驚喜佢。」他又應修哥要求唱出當年他在修哥演唱會時唱的歌曲《Shall We Talk》。
另外，胡楓的契仔張家輝拖着胡楓的手合唱《分分鐘需要你》，期間家輝頑皮地說：「一陣間你可唔可以喺咁多觀眾面前表白你同羅蘭姐收得好耐果段感情？」唱畢後他又重提：「早前見到流出咗啲秘密相，你哋兩個打車輪喎！」修哥淡定地說：「依家有AI，呢啲算係好畀面你。」家輝笑言：「你條脷伸咗過去喎！」修哥幽默說：「AI都有脷架！」
張家輝唱完歌後，「歌神」契仔張學友上台獻唱《不老的傳說》，學友笑言：「我搵過晒我幾百首歌，呢首最啱你。」又大讚對方如此高齡仍能在紅館開演唱會，令他非常激動、佩服及欣賞，很值得後輩學習。其後學友叫觀眾給掌聲張家輝，又笑他:「我覺得你好大膽，夠膽咁樣唱《忘情水》。」繼家輝後，學友再將修哥與羅蘭的緋聞擺上台講笑，因羅蘭以前在《歡樂今宵》中扮演「701服務公司的小姐」解決疑難，學友說：「有一輪咪傳得修哥同羅蘭姐好行吓，我打親畀修哥都問:『701服務公司有咩可以幫到你』。」修哥即時更正對方，正確對白是「701服務公司，有咩事，快啲講」，學友指證明修哥比自己熟，又問家輝:「我都接受，你O唔OK？」家輝即答：「OK!」修哥聞言教訓家輝：「人講嗰樣你答嗰樣。」學友為家輝說好話：「因為尊卑有別，我話晒係佢阿哥。」其後三人合唱《還是覺得你最好》。演唱會尾聲，玩了接近5小時的修哥雖然依然精靈，但始終年長明顯有點疲倦，原先跟張學友回到後台的契仔張家輝再次現身，並一直在身旁攙扶契爺，大會也拿出椅子讓修哥坐下，並跟一眾嘉賓齊齊大合唱《朋友》，為演唱會畫上完美句號。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
