資深藝人梁珊回流香港多年後，今日（1日）傳出離世消息。資深製作人楊紹鴻於社交網發布消息，留言：「突然收到你兒子Alex通知你尋日突然離開嘅消息，實在不敢相信，前一排仲一齊食飯，我哋仲約好⋯⋯點知……親愛的珊姐，一路好走🙏🙏🙏⋯⋯永遠懷念同你合作嘅日子😭😭😭⋯⋯」東網向其兒子求證，其兒子證實消息：「我們最敬愛的珊姐已於昨日（7月1日）與世長辭。非常感謝昨晚各方親友的慰問與關懷。有關珊姐後事的具體安排，我們稍後會再逐一通知大家。在此特別感謝大家的關心，並衷心祝願大家身體健康，平安順遂。 珊姐兒子宇澄敬上」
梁珊於6、70年代出道，初入行主力拍國語片，其後先後加入麗的電視、無綫電視和亞洲電視。代表作眾嘅佢被封「御用惡女」，先後演活電影《精裝追女仔》中張敏媽媽「刁太」，以及《富貴逼人》飾演電視台高層「呂魔頭」，形象深入民心。直到1999年，梁珊突然冇再拍戲，淡出幕前並到加拿大生活。後來回流香港，去年多次罕接受不同訪問，中氣十足，狀態極佳，佢表示自己一星期去做四次瑜伽，仲有跳印度舞，又透露從未退出幕前：「唔知點解冇人搵。」唯未見到梁珊再有新作面世，就先收到其不幸消息。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
