「聲夢小花」姚焯菲（Chantel）近日接受鄭裕玲主持的電台訪問，她自言在外國讀書壓力大，尤其初到新西蘭讀高中時：「讀書仲辛苦過香港，因為老師畀你自己處理，好少會指導你，要靠自己預習同明白，加上同宿舍嘅同學都唔係讀同系，好多功課上自己承擔（老師知唔知你係歌手？）有啲老師知道，有次上堂途中老師播咗我嘅MV歡迎我，真係嚇親又尷尬，本身啲同學係唔知。」她指到新西蘭讀書是父母決定，自己當時也有反抗，因為聽聞當地生活很悶，但最終反抗無效，結果就讀媽咪的母校：「去新西蘭讀書都好，可以專心讀書同學習獨立。最初同其他人一齊同房住好唔習慣，我因為思鄉，經常一個人喊，有啲同房成日帶好多唔同人，又不問自取，攞我啲嘢食。」Chantel稱完成中學課程後才有話事權，自由選擇大學及主修科，還有兩年大學畢業的她坦言不心急回港，並有意畢業後繼續進修：「如果再讀嘅話會喺香港，因為想珍惜同家人相處嘅時間。」她表示不擔心在外地讀書而影響人氣，因粉絲一直很愛錫她：「就算我走咗，佢哋喺我身邊，因為我同粉絲有個群組。」
談到之後的目標，Chantel透露有意推出大碟以及繼續寫歌：「喺大學時老師要我哋做晒一首歌嘅曲詞編監唱，一開始老師都有批評，因為我唔係好識，好在最後老師對我嘅作品都好滿意。」她稱今次新歌《想飛之內心獨白》只負責唱，但錄音時也會提出自己的意見。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
