胡子彤全力備戰亞運 賽後最想放大假休息
問到亞運的備戰情況，他說除了工作外，其餘時間都忙於特訓，只望在餘下時間盡力及享受，幸好他自上年8、9月已開始準備，身體都適應到，故不會太辛苦。早前子彤曾透露隊友們可能是最後一屆參賽，至於他自己呢？他就表示：「所有嘢唔好講到咁死，唔知道嘅，好好享受，盡力！」子彤說自己在亞運後最想放一個大假，讓身體好好休息再前行，並預告年尾將有新戲拍攝。
Jessica腸胃炎後復工拍新劇：呢套大家會想睇
而Jessica早前患腸胃炎，問到是否食錯嘢，她表示可清楚，總之有日突然腸胃不適，之後便「一發不可收拾」。而近日她忙於拍新劇，雖然很想劇透但還是要留待劇組正式公布，不過她相信大家都很想看這套劇，談及Jessica是樂壇女新人，而今年獎項競爭很大，她指不多想獎項：「獎呢啲唔諗住，我嚟緊都準備入錄音室去錄我嘅第三首歌，我嘅大計其實都係希望世界和平，大家開開心心。同埋希望套劇可以快啲同觀眾見面，同埋話俾大家聽我究竟拍緊邊套劇！」
朱鑑然與方太一家相識多年 新劇挑戰諸葛亮靈魂穿越
而朱鑑然原來跟烹飪節目始祖「方太」方任利莎有關係，方太女兒阿寶近年為媽媽開設社交平台專頁，早前阿寶上載一張15年前方太舊照，雖然只得背面，但仍見到方太蹺住大隻仔在銅鑼灣親密行街，阿寶其後揭曉原來大隻仔正是朱鑑然，兩家人認識多年，故方太都有支持朱鑑然作品，朱鑑然就在訪問中表示：「其實係，同佢個女係認識嘅，好多年前食過一餐飯，影咗張合照。（記者：佢有睇《COURT!》）係咩？非常之開心！當你拍一個新嘅作品，佢都會支持同埋畀comment你，我覺得係好開心嘅真係。」他透露自己雖不常見方太，但因為與阿寶都是愛貓之人，間中都會傾偈講貓經。最後，講到未來大計，他說：「希望世界和平、身體健康！」又宣傳正在上演的《浪花男女》，並預告9月6日在馬來西亞都有劇上：「個劇叫《臥龍》，我就飾演諸葛亮靈魂，穿越嚟咗現代嘅一個人嘅身上，係好大嘅挑戰。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
