2026香港小姐冠軍袁絲珩（Bernice）、亞軍鄧匡閔（Ada）、季軍兼最上鏡小姐李澤欣（Scarlett）及友誼小姐李澄晴（Chorie）今日（8日）到澳門領取獎項，由2025年港姐冠軍陳詠詩為Bernice戴上價值超過500萬元的金鑽后冠。
談到后冠價值連城，Bernice笑指因住址已曝光，為安全起見預計會將后冠放到保險箱，坦言后冠是自己人生第一件珠寶珍藏，問到媽媽可有買珠寶給她？她笑謂：「冇，但我懷疑佢有收埋想留畀我，都會戴后冠畀爸媽睇吓。（媽咪可以試戴？）都可以，會傍住佢小心啲。」已辭退主題樂園演出工作的她，笑言以往萬聖節是屬於自己的節日，現在想起也有點技癢想參與演出。問到加入娛樂圈並打算搬出來自住可會擔心入不敷支？她坦言主要為方便工作：「都係時候學吓獨立，相信財務上可以嘅，會畀心機搵錢。」
Scarlett被指於港姐決賽問答環節寸爆上屆冠軍陳詠詩身材矮小，今日二人同場兼排排企合照，她表示能跟師姐見面很開心，她説：「師姐好靚好似公仔咁靚女。（冇尷尬？）冇，其實我本身答嗰條問題都唔覺得係負面，只不過係一個形容詞。」談到一班同屆佳麗早前相約唱歌跳舞，獲網民大讚她們跳舞不錯兼友誼深厚，她們透露當晚有10位佳麗一同慶功，另外兩位佳麗因外遊故未能參與，笑言終於可以一起吃火鍋，更有人點了決賽的舞步歌，大家立即聞歌起舞，玩得相當盡興。
她們表示對跳唱有興趣，Ada即提議大家可組個「港姐女團」，提到MYNT中也有3位港姐師姐，她即自嘲是真正魔音，跳起舞來沒氣力像魷魚一樣。Scarlett指自己跳唱方面有進步空間，並透露中學時曾到韓國參加練習生海選，可惜最後未有入選，問到是否自小已立志入行？她笑謂：「係，依家終於畀我夢想成真！（有網民話你上次領獎合照刻意「趷高腳」？）我係遵從禮儀老師指示，係丁字腳，着住高踭鞋再趷高會向前跌。（感受到作為公眾人物所有細節會被放大？）開始感受到，始終食得鹹魚抵得渴，但都會接受大家嘅評價。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
