已故香港天后梅艷芳的母親「梅媽」早前離世，兒子梅啟明今日現身記招，提到他想為梅媽風光大葬疑違背了死者低調的意願，他即激動表示：「錯！全錯！」他反對由姪仔處理後事，更表明打算向法院申請禁制令，禁止火化梅媽遺體：「阿媽個遺體，梗係唔畀佢郁畀佢燒咗毀滅晒啲嘢呀！同埋阿媽又怕火，佢老人家要入土為安，阿媽嘅心願就係咁。」
他又指姪仔別有用心，並對梅媽的死亡存疑：「如果一個人唔係有壞心思，點解唔係同我商量，要咁急去（火化）？第二，阿媽正式冇氣嗰陣喺間屋度，我質疑緊呢樣嘢，依家有冇遺囑都係一個問題」，並要求公開梅媽遺囑，指正有律師處理。他又強調從未拿過阿梅一分錢，又指若日後得到梅媽遺產，亦會全數捐出。
另外提到與姪仔現時關係，他表示當日趕往醫院後與對方並無交流，又指姪仔視他如仇人一樣：「我由美國返嚟，佢已經當我係仇人，你嗌佢佢都唔睬你，我都唔知佢咩人，冇大冇細。」
梅啟明多次強調自己「財來自有方」，透露經與有關方面研究後，風水墓地、高僧誦經及棺木等殯葬花費約150萬，他誓要讓母親風光大葬。上星期曾透露自己任職園藝的他，目前突然陷失業，但依然很大口氣：「所有嘢已經籌備晒，依家欠東風，即係錢，不過唔好質疑我，對於呢筆錢，我一啲都唔擔心，一啲壓力都冇。」談到梅媽剛過頭七，梅啟明竟透露：「我準備咗金銀衣紙，同佢鍾意食嘅嘢俾佢。佢離開咗翌日我去殮房睇佢，真係有啲feel嘅，發覺佢口郁郁，好似講緊好凍咁，你哋（記者）可以唔信㗎！」
他指自己從小到大是孝子，評分一定不只一百分，又再次強調没有分過梅艷芳一分一毫。說到姪兒梅柏麟及其兩位妹妹，梅啟明則顯得相當激動：「其實我喺美國返嚟後，佢已經當咗我係仇人。嗰日喺醫院望都冇望我，同兩個妹喺度笑。總之我安排出禁制令，佢唔好做啲毀滅式嘅事情（即係安排梅媽火葬），做咗好大鑊。（你同佢冇有溝通過？）點解我要搵佢？輩份都唔同，佢係孫嚟咋。」他又揚言要對方攞梅媽遺囑出來，但又補充：「遺囑都可以造假，邊個見證、幾時立嘅先？」
談到太太Joey同樣質疑其誠信，梅啟明再次提高聲線﹕「你哋唔好講佢，佢夠膽見我咩？（佢話見到你曾經搶梅媽啲錢？）梗係冇啦，說話唔好亂講，佢根本唔配做我老婆。（佢話你曾經趕佢走。）真係笑話，錢佢又要，總之我冇停過俾生活費，除非冇嘢做，依家啲生果金都寄晒畀個仔，佢點可以咁講。」由始至終當記者要求與其律師接觸，梅啟明卻拒絶交出對方名字，但又頻頻指稱已進入師法程序：「到時你咪知囉，我唔貪錢㗎，攞番晒搞晒去慈善機構我仲開心！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
