梅啟明稱認屍期間見到梅媽口郁郁
記者問，梅媽頭七剛過，他可有為母親做了什麼：「咪做佢頭七嘅嘢囉，燒元寶蠟燭咁嘅嘢囉，佢鍾意食嘅嘢囉，呢個基本嘢嚟㗎啦。」至於可感到異樣或梅媽「返嚟」，梅啟明說：「有啲feel！我可以話俾你聽，呢樣嘢係奇嘢，我嗰日喺殯儀館嗰度，擺嗰個咩嗰度⋯⋯殮房嗰度，我咪去睇佢，我講出嚟你哋或者唔會相信，但係我可以話俾你聽，佢郁。佢呢個位（嘴及下巴）郁，冇合埋嘅。」
梅啟明指事情於梅媽過世後，翌日認屍期間發生，當問到他有權領屍？他說確實有見到梅媽遺體，反問記者：「咁唔通我嗰個係翻版？AI呀？」他認為梅媽是想表達殮房很冷：「係啦，佢係話好凍嘅意思，『呀呀呀』咁樣郁，唔係講笑，真係㗎，我都話我講你未必信。你唔信冇緊要，我亦都唔係要你信，我只不過話嗰陣時我去搵佢就係咁。」
梅啟明：感覺就係佢返咗嚟
至於頭七當晚，梅啟明表示在家為梅媽燒元寶蠟燭：「我有感覺，感覺就係佢返咗嚟。（記者：有冇同你講吓嘢？）咁開心呀？你真係講到咁開心？如果要講，都講啲咩啦，點樣樣死，乜嘢，點樣斷氣，係咪咁講？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
