視帝陳展鵬與單文柔育有愛女「小豬比」，年初展鵬為讓妻女有更好生活環境，一家人秘密搬新居，進駐複式獨立屋，由昔日分層單位升級住複式大屋。近日有頻道公開陳展鵬家庭Vlog，全方位拍攝令新居曝光。大屋採用現代簡約米白色配木系色調，採光度極高，客廳樓底開揚又闊落，複式單位樓梯方便上落，設計兼具空間感，仲溫馨度滿分。
片中更有單文柔與小豬比挑戰為陳展鵬洗車片段，透視出室內環境寬敞，屋外空間感十足。而兩母女「愈幫愈忙」，最後更變成水戰玩到全身濕透，場面搞笑，同時曝光獨立屋附設私人花園及庭院，有足夠空間畀阿女嬉戲，大門外空地更停泊至少兩部座駕，戶外空間夠晒充裕。
其實溫馨豪宅係由陳展鵬一手打造，並非刻意炫富，佢幽默澄清：「其實係『豪』，係『自豪』個『豪』，唔係『富豪』個『豪』。」單文柔亦大爆老公親力親為，背後全是心血：「點解咁自豪，因為所有嘢係佢一手一腳做，包括木工、水電、拆嘢、搬嘢，全部都係佢做同埋策劃。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
