藝人劉錫明晚上（2日）出席活動獻聲，女兒劉安晴和姪女劉森頤也有到場支持，他笑言因自己是首位出場嘉賓，讓他昨晚緊張得有點睡不着。他表示近年主要在內地居住，主力拍戲及唱歌，談到現年23歲的女兒劉安晴正式入行，劉錫明透露二人稍後將在電影中合作，問到是否演父女？他笑謂：「我由40歲做到80歲，做佢阿爺，哈哈！（唔介意？）冇問題，做演員唔應該為自己設限。（有冇想抱孫感覺？）唔好咁快！」他笑指女兒已長大，不會干涉女兒拍拖事，也想過帶女兒來港發展，但笑指要先替女兒物色經理人，問他會否考慮來港開個人騷？他表示若大家支持一定會。
同場戴祖儀與林智樂合唱串燒經典歌，談到戴祖儀今日盛裝出席，她笑指因近來忙拍新劇《驅魔速遞》，加上劇中動作場面多，自己因此瘦了不少：「要畀大家睇吓瘦咗嘅我！爸爸媽媽今日都有嚟。」提到林智樂在新歌《魔法情侶工作室》MV中，與女主角甄敏芳有親密場面，他笑言二人只是點到即止，問到為何不加吻戲？他笑言加太多反而突兀，戴祖儀即提議他下次可找自己演「姊弟戀」：「到時大家就淨係會問你點解咁睇唔開搵戴祖儀，唔會再追問點解冇吻戲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
