近年來鮮少公開露面嘅內地女星趙薇，尋天（20日）去到新加坡，出席美髮大師Kim Robinson嘅「黃金時代（The Golden Age）」高級髮型騷。趙薇身穿簡約格仔衫亮相，妝容近乎素顏。現場有粉絲應援吶喊，加上媒體鏡頭追逐，市場號召力依然有。趙薇於訪問中被問到想唔想念拍戲？佢回答「還好，大家可以看重播。」被問到最近有冇睇咩電視劇？佢表示自己睇緊AI短劇：「有一天發現我70多歲的老媽在看AI劇，她說很好看，情節緊湊，人也漂亮。看得比較多的是玄幻類，有些有功夫的，真的是可以弄得超級帥。」佢形容依家睇AI劇就似以前迷動漫：「在大陸內地真的很火，因為有些場景，現實的資金很難達到那種效果，但AI劇可以達到。」佢又透露自己會寫劇本，同朋友用AI創作影視作品。
網友大讚佢有「抗打的原生臉」，大量生圖、視頻強調其狀態自然，不見醫美痕迹。加上今次佢順利出境參加活動，直接打破近年來關於佢被「限制出境」或「徹底封鎖」嘅部分傳言，被視為係一種不動聲色嘅反擊。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
