前女子組合Cookies成員傅穎（Theresa，現名：傅寶誼），早前大爆當年遭隊友杯葛，引起全城熱話。近日，她再分享一段與楊千嬅的往事。傅穎憶述當年與楊千嬅同公司，雖然不是太熟但自己一直很喜歡對方。有一次，她從Fans cap低的影片發現，原來千嬅曾在一個她全不知情的情況下幫她，憶述：「有啲Fans cap低咗佢一個音樂會，當時請咗Mark Lui（雷頌德），佢哋傾偈。Chit-chat個時候，就話千嬅竟然幫公司一個新人去chur阿Mark Lui，話幫佢出碟啦，然後又再叫Paco幫佢出碟，佢話佢覺得我值得出碟。我嗰時同佢一定唔熟，平時喺公司都冇乜點見到，都係打個招呼，所以係好開心！真係好感動！」
Theresa指這次之後更喜歡千嬅，前陣子都有拍片多謝對方。不過，中間發生過一件事令她知道千嬅可能對自己有所誤會，她亦變得不敢跟對方說話，亦不知如何澄清。Theresa表示：「2004-2005我未出EP嘅時候，我唔知我有冇記錯，但係我記得後尾有啲事情發生咗，有啲Gossip傳咗去千嬅度，係關我事㗎，總之後尾冇辦法再進一步可以更加Close。我唔可以好肯定講，可能有啲嘢我唔記得咗，我驚錯，但係確實係有一件咁嘅事……！我記憶入面，曾經有人講我對大老闆獻殷勤，Which is冇，如果我係呢一種，我都唔會自己打拚，總之講到我係唔正經。」主持人做出食飯、睡覺動作暗示「陪瞓」，Theresa回應：「你明㗎啦。」Theresa表示不是第一次聽到有人冤枉自己，感到：「04年，我隊組合已經（解散），我曾經問返點解大家曾經對我態度唔好，其實其中一個都係講話我同嗰個老闆、同啲老闆點點點，我嗰時咁細個喎！我 17、18歲喎！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
