對於楊偉倫，今次在戲中會有大突破，就是跟演員甄玉如（Amy）有感情線，還會有親密戲。「對我嚟講係好親密，有擁抱，真係好難呀，有個女仔在拍攝時肯畀我擁抱。」雖然講到求之不得，但現場阿卵都表現得相當尷尬。「要點攬都真係要交代清楚，Amy好信任我，令我冇咁大壓力。」
一直未能獻出熒幕初吻的阿卵，可有想過想贈予哪位？「麥東啦（麥沛東），會舒服啲。」至於身邊的鍾雪瑩呢？阿雪︰「我同佢做呢啲戲觀眾未必想睇，而家呢個關係算幾好。」當《我阿爹想旅行》票房破千萬仍在上畫中，這部《善男信女》亦已經上畫，鍾雪瑩都希望兩片可以互相謝票，帶旺市道。
下月22日將舉行金馬獎，《善男信女》以港片最多提名，9個出戰。屆時一眾台前幕後齊齊整整出發。楊偉倫︰「係呀，9個獎項提名，有導演、剪接、造型，成班人當去旅行都開心。」兩位更獲安排與阮經天一齊主持座談會，問到阿卵的國語水平如何？「『未問題，聽不懂』，我會用有限嘅資源，去表達無限嘅內容。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
