掃呢頁CODE去手機

2026年10月26日 星期一

張曦雯:新劇惹爭議監製急解畫 張曦雯裸露戲隨時被Cut #張曦雯

藝人陳瀅與張曦雯主演的無綫台慶劇《璀璨之城》因尺度問題引發全城熱議,被轟刻意灑鹽花,昨日兩位主角在輿論下現身劇集宣傳活動,張曦雯否認受壓才同意拍攝除剩 ...






藝人陳瀅與張曦雯主演的無綫台慶劇《璀璨之城》因尺度問題引發全城熱議,被轟刻意灑鹽花,昨日兩位主角在輿論下現身劇集宣傳活動,張曦雯否認受壓才同意拍攝除剩內褲的裸背戲,認為若未能原汁原味播出會很可惜;陳瀅則叫大家不要着眼衣着多寡而作出判斷,強調監製有徵求她同意。


無綫台慶劇《璀璨之城》近日被指賣弄色情而惹爭議,當中包括陳瀅全裸色誘兼「腿張開」一幕,以及張曦雯(Kelly)未播出的裸背羞辱戲。昨日劇集監製陳維冠率領Kelly、陳瀅、高海寧(高Ling)、吳卓羲及江美儀等出席宣傳活動拆彈,被指「假善心」的江美儀以有事忙為由不受訪。


Kelly早前透露一度拒拍裸背戲,後經江美儀及袁詠儀游說才接受,她昨日澄清並非受到多方施壓才妥協:「今次係我同監製第一次合作,我猶豫係因為同大家初時唔熟,後來套劇因為種種因素而停拍,劇本修改之後,加上出於對團隊嘅信任才同意。期間大家有聯絡傾劇本同圍讀,大家熟落咗,之後再講呢場戲,從角色出發去睇係合理。(有指因為陳瀅肯拍咁大尺度,你先肯拍?)梗係唔會我相信為角色去做一個決定都係因為劇情,點會爭住除衫!」她透露跟江美儀及袁詠儀因合作劇集《模仿人生》而熟落,在公在私也會詢問兩人意見。對於監製稱由於群情洶湧,未知該場口是否要經過刪剪才播出,她對此表示可惜:「除咗我仲有台前幕後,大家咁努力去拍,如果冇得完整出嚟,咁都拍咗點解唔播!」


監製陳維冠亦為灑鹽花爭議解畫,他說:「劇情上如果凸顯到角色效果,我覺得值得。」又指Kelly當初拒拍是因為難度問題:「因為嗰場戲有5頁紙,好複雜,對白、行為、燈光,佢對難度冇乜信心。」對於張智霖指Kell因「唔輸得」才拍,他認為對方只是講笑,又重申從不對演員施壓。至於Kelly該幕能否原汁原味保留,他表示交由公司決定;他又否認陳瀅「全裸」片段被導演四處傳閱的傳言:「我嘅團隊唔會做啲咁嘅事,肯定唔會!」


高海寧親熱戲「降呢」


至於陳瀅劇中色誘張智霖一幕被轟尺度過火,她直言有留意評論,希望大家不要只集中在女演員的衣着多寡而判斷:「作為演員係演戲,如果段戲淨係網上播又會唔會投訴呢?呢個係我職責範圍以外,唔到我控制。(唔開心?)冇,呢個禮拜過得好開心,因為生日。」她強調收到劇本時已有「全裸誘惑」劇情,監製於畫面呈現上有徵詢她的同意,拍攝時亦做足安全措施,她又強調全部由她真人演出,非AI畫面。


日前她接受好友梁靖琪(Toby)訪問,談到該場大尺度戲時,Toby踢爆:「聽聞有導演猛咁畀人睇,話『佢做到咁樣㗎可以』。」陳瀅直言訪問當日未有留意這句說話:「其實唔可以咁樣傳,犯法㗎!未播之前唔可以做呢件事,如果真係咁兒戲,唔止我哋有睇過,其他人一定有睇過,所以冇發生過。」她認為當中有很多說話在字眼上被扭曲發酵,繼而產生誤會,重申未有片花流出。


而高Ling今次沒有大尺度演出,即使出浴戲也是包住毛巾,問是否因她拒絕才沒有性感戲?她透露原先跟張智霖有場夫妻親熱戲,但她覺得劇情上未至於如此親密,與監製及張智霖商討後,覺得改為行花園較適合。


另外,本月22日生日的陳瀅未受風波困擾,日前與好友開派對,事後在社交網大晒收花靚相。


吳卓羲讚緋聞女友專業:做戲之嘛!


對於緋聞女友張曦雯在《璀璨之城》的裸露演出,吳卓羲透露拍攝當日也在場,大讚對方專業:「我覺得兩個字講完─『專業』,做戲之嘛!拍出嚟好睇同順住劇情去。」曾在劇集《大唐雙龍傳》中有露股演出的他,以過來人身份說:「我都拍過好大尺度嘅戲,好大心理陰影,好在都見得吓人。我同林峯拍時,導演到現場先話畀我哋聽要露,我同阿峯研究都覺得試吓冇問題。」


另外,問到他與張曦雯發展如何,他再次叫大家給予空間:「幾好,總之開心就得。(約咗出街未?)唔話畀你聽,秘密。(林峯話你幾十歲係時候?)佢都係幾十歲先結婚,佢哋問我嘅話,我會親自交代。(帶埋張曦雯一齊交代?)搵日最近我喺內地拍劇,基本上冇見過佢哋。」



本文作轉載及備份之用 來源 source: http://hk.on.cc
鍾意就快D Share啦!