超風｜鄭中基現身撐愛徒做男主角 李雨蓒︰似帶成績表俾父母睇 #鄭中基

電影《超風》日前特別舉辦粉絲包場睇戲活動，電影男主角李雨蓒（Edwynn）、編劇梁永豪、侯嘉雯，以及演員朱珀慧一同親身出席，與一眾熱情影迷近距離互動及 ...

電影《超風》日前特別舉辦粉絲包場睇戲活動，電影男主角李雨蓒（Edwynn）、編劇梁永豪、侯嘉雯，以及演員朱珀慧一同親身出席，與一眾熱情影迷近距離互動及交流觀影感受。活動當日更有機動娛樂創辦人鄭中基（Ronald）作為特別嘉賓驚喜現身，為愛徒及團隊站台打氣，現場氣氛相當熱烈。

鄭中基（Ronald）作為特別嘉賓驚喜現身，為愛徒及團隊站台打氣，現場氣氛相當熱烈。（大會提供）

特別嘉賓鄭中基的出現將現場氣氛推向高潮。談及男主角李雨蓒（Edwynn）的表現，鄭中基感觸表示，由當初《機動兵工廠》一路走來直到現在，親眼見證了Edwynn非常大的變化與進步。他更現場為Edwynn送上真摯鼓勵，寄語他繼續努力，在演員路上再創佳績。

對於老闆鄭中基親自到場支持，李雨蓒（Edwynn）坦言心情既緊張又期待：「今日老闆嚟睇，好似係喺學校帶張成績表返去俾父母睇一樣。會好期待佢睇完之後會講啲咩，覺得我做成點。甚至佢坐喺我隔籬嘅時候，全程都感受住佢微小郁動，直到出Credit，佢拍吓我大髀，同我講做得好好嘅時候，終於可以放鬆落嚟。」



鄭中基親眼見證了Edwynn非常大的變化與進步。他更現場為Edwynn送上真摯鼓勵，寄語他繼續努力，在演員路上再創佳績。（大會提供）

除了感謝老闆的肯定，Edwynn亦非常感謝一眾一路相隨的粉絲 support。他動容地表示：「好多時候我哋拍YouTube或者開直播嘅時候都會見到一啲熟悉嘅觀眾名字經常出現，今日可以親身同機動嘅粉絲一齊睇《超風》，都係一個難得嘅時間。平時喺YouTube輕鬆搞鬼嘅我，今日喺大螢幕俾大家睇吓Edwynn作為演員嘅一面。完場嘅時候，大家好踴躍嘅交流同分享感受，亦都俾咗我好多嘅鼓勵同肯定。」最後，他亦衷心感謝團隊：「最後多謝機動呢個充滿愛嘅公司！」



最後來個大合照，李雨蓒（Edwynn）坦言心情既緊張又期待：「今日老闆（鄭中基）嚟睇，好似係喺學校帶張成績表返去俾父母睇一樣。（大會提供）

本文作轉載及備份之用 來源 source: http://www.hk01.com

鍾意就快D Share啦！

下一篇 》