歌手鄧紫棋（G.E.M.）尋日（5日）完成歷時3年巡迴演唱會，今日（6日）即爆出G.E.M.其實早已非「自由身」，有消息傳佢喺深圳收官場前，就同穩交8年富二代造型師男友Mark Ngai（魏俊傑）於紐約低調完婚，悄悄做人妻！台灣有消息指，有傳G.E.M.於近日深圳騷尾場前，二人已偷偷修成正果，更飛去紐約教堂低調完婚，且消息為男方親友傳出。G.E.M.所屬唱片公司於截稿前尚未回應。
現年35歲嘅G.E.M.，2016年同歌手王灝兒（JW）舊愛Mark（魏俊傑）傳緋聞，至2017年被拍得在日本涉谷街頭拖手仔，戀情正式曝光，並於隔年11月正式公開認愛！二人拍拖多年，早於2020年就已經傳過二人去泰國秘婚，但遭否認。鄧紫棋身為虔誠基督徒，過去受訪曾表示想生BB，但前提係要先結婚先可以生小朋友。
至於Mark，佢不僅係G.E.M.御用造型師，出身背景亦相當顯赫，其外公係香港金融貿易公司老闆、亦係關之琳第一任丈夫王國旌；母親經營高檔餐廳；妹妹魏韵芝曾參選香港小姐並擔任過電視節目主持，一家人知名度甚高。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
