緋聞情侶吳卓羲（Ron）與張曦雯(Kelly）今日（15日）出席無綫台慶劇《璀璨之城》宣傳活動，加上Kelly以低V連身裙上陣，成全場焦點。提到昨晚播出一集中，高海寧與Ron激吻，吻得非常肉緊，Ron坦言：「唔肉緊就投入唔到，呢個場口我有同監製傾咗好耐，都拍咗好多次，因為有唔同位要就。」問到Kelly是否也看得肉緊？她笑言：「如果我（角色）唔係沖緊涼，畀我見到你死梗，劇中多兩條屍。（你同Ron有冇呢啲場口？）冇，因為老夫老妻。」建議兩人劇外補回來時，Ron表示不能這樣。對於有指HoyTV原打算以《義和》對撼《璀》劇，但臨時又抽起，Ron指相信之後有機會會播出。
《璀》劇在澳門取景，Kelly透露拍攝時父母及弟弟也有數度到現場探班，見過Ron及同劇其他演員，Ron表示：「有見過，禮貌咁say個hi。」問到父母對Ron的印象？Kelly指：「冇講乜，只係打個招呼。」被指見家長時，Ron笑言當日劇中飾演其父親的姜大衛也在，打趣指對方也算見到自己家長，問到Kelly下次會否正式見家長？她說：「下次宣傳可以帶屋企人嚟，佢哋依家都係香港。（父母有冇八卦你哋嘅緋聞？ ）冇問，佢哋唔會八卦。」當問到父母看劇時有否讚兩人合襯？她向Ron投以求救眼神，Ron即時領會並解圍說：「監製有眼光。（你哋好有默契？）因為拍咗一段時間，又傾過好多次劇本。」
近日Kelly晒唱歌片段，Ron表示有聽過她唱《野孩子》，並讚唱得好聽，問兩人會否相約唱K，他笑言：「我唔唱K，我唱Live。」Kelly也指有聽過對方的首本名曲《別怪她》。
另外，提到好兄弟林峯及黃宗澤對其緋聞的反應，有否催他拍拖？他指：「我哋唔講呢啲，唔會問，林峯都係佢話結婚我先知，平時都只係講食飯，冇講緋聞。（林峯話拍拖可以平衡吓生活？）我好唔平衡咩？我夠覺得佢唔平衡啦，套劇出我就平衡喇！（有冇叫大家之後一齊攜眷出席？）唔講呢啲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
