天王郭富城（城城）與張智霖（Chilam）相識數十年，是圈中公認的好兄弟。近日有網民翻出城城2010年在社交網發布的陳年舊帖，發現他當年居然公然叫好兄弟做「弱智」，搞笑互動在社交平台迅速瘋傳，震撼新一代網民！
事緣於2010年4月，城城興奮貼出與Chilam打邊爐的相片，大讚「辣到跳舞」，貼文卻將好兄弟個名錯打成「志霖」。面對網民留言提醒，城城轉數極快，同日立即發文更正，但就順手狂寸老友：「sorry！係弱（智）個智！並唔係（志）！係智霖！」
這兩則充滿「小學雞」火花的貼文相隔十幾年再被曝光，網民非但冇覺得天王失禮，反而大讚城城幽默又機智，用玩笑完美化解打錯字嘅尷尬，直言：「真係熟到極點先敢咁樣玩！」
除了私下經常聚會，兩人亦同為愛車之人。早年兩人最愛通宵打麻雀減壓，甚至被朋友調侃「一番輸一條車軨」，Chilam隨後澄清只是打幾千蚊輸贏。當年城城半夜邀約打牌，更常惹得靚靚（袁詠儀）哭笑不得，最後演變成城城每次約人前都要先向「袁領導」報備審批。由昔日單身形男到如今升格人父，兩人見證了彼此人生最重要嘅階段，兄弟情誼歷久彌新。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
