無綫戀愛真人騷《女神配對計劃2》戰況白熱化，周日（1日）播出嘅第九集，7大女神大解放，以「出水芙蓉」Look殺入主題公園大玩水上激戰。不過靚爆鏡背後卻暗藏崩潰危機，當中最近被網民輿論及抨擊為「綠茶婊」嘅何沛珈（Roxanne），因為不諳水性，所以驚到花容失色，直接喺鏡頭大喊，真係我見猶憐。
Roxanne解釋自己一向較少機會嘗試機動遊戲，加上水上活動十分刺激，喺等待嘅過程中令佢愈來愈擔心，落水後更崩潰大哭，一度用手臂拭淚，其心儀男神Oscar見到Roxanne個驚樣子時，則大讚佢好可愛，意外激發對方保護慾，連李爾晨都話見到Roxanne喊覺得於心不忍，仲讚佢喊完都咁靚，好識氹女仔。
節目播出後，有網民對Roxanne表現感到不解，指其反應過於誇張，更有人直斥要淘汰佢：「嘩，喊得咁X假🥱」、「快啲淘汰佢啦」、「好假Roxanne 🍵🍵TVB快啲封鎖佢啦」、「我覺得喊還喊 扮小朋友前臂抹眼淚 搞唔掂呀 大佬」、「Oscar見到佢喊得咁假都覺得佢得意，覺得佢真係完全唔識睇女仔綠茶」。不過都有網民表示理解：「呢個真係好恐怖😂😂😂我第一次玩完都喊咗」、「我都玩過呢個滑梯 係有啲驚」、「睇得出佢真係驚 怕水嘅人玩水係真係會好驚 係真係會咁樣喊法」。
惟節目中同樣玩到喊嘅阮嘉敏（Mandy），因童年「浸親」陰影嚇到當場爆喊，坦言極度忌水：「我細個喺泳池浸親過，鼻吸晒水，個人又飲咗好多水，好辛苦。」心理陰影令她崩潰，不過就未見網友鬧爆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
