掃呢頁CODE去手機

2026年11月18日 星期三

宮雪花罕有現身 重提開刀全身麻醉避記者會:借百元衝返屋企化妝 #宮雪花

曾是選美界傳奇人物的宮雪花(花姐),當年「報大數」10年、以47歲之齡破格參選1995年亞洲小姐,憑藉大膽作風轟動全城、風頭一時無兩!近年一改高調作風 ...




曾是選美界傳奇人物的宮雪花(花姐),當年「報大數」10年、以47歲之齡破格參選1995年亞洲小姐,憑藉大膽作風轟動全城、風頭一時無兩!近年一改高調作風、鮮有在幕前露面的她,昨日(17日)罕有應邀現身香港演藝人協會YouTube頻道

宮雪花(花姐)曾是第一個出國選美的女士,亦是1984年法國華裔小姐冠軍。(YouTube@HKPAG 香港演藝人協會)


宮雪花2003年參加世界太太選美獲克林頓接見,被讚「代表東方之美」。(YouTube@HKPAG 香港演藝人協會)


憶上海灘風光史:街上幾個人唔望就返屋企喊

現年78歲的宮雪花在鏡頭前依然保持招牌式的精緻濃妝,配上一身極具個人風格的全紅造型,非常搶鏡;雖然臉上難免留下歲月痕跡,但經過悉心打扮後面對鏡頭依然自信爆棚!花姐在節目中毫不掩飾,直認自己從小到大都是超級「自戀狂」:「我非常之貪靚,好自戀,自戀狂。咁我年輕時喺上海灘,好多人話『你都算是路上的一枝花,好靚』嗰陣時自己都覺得自己靚。」她更自爆當年走在馬路上回頭率極高,一條街100個人幾乎100個人都會回頭望她,但只要有幾個人沒有留意她,她便會失落得跑回家爆哭:「返去會同媽咪喊:『媽咪,今日我唔靚呀!因為街上面有幾個人都冇回頭望我呀。』」

宮雪花現身香港演藝人協會YouTube頻道《傳承.前輩專訪》。(YouTube@HKPAG 香港演藝人協會)


入圍95年亞姐18強壓力爆煲

花姐在訪問中亦重提自己的選美傳奇,指自己是當年首位從內地出外參加選美的人,早於1984年便勇奪法國華裔小姐冠軍;直至1995年,她從朋友口中得悉亞洲小姐不限年齡參加,起初她還一度質疑:「你睇到啦,我有兩個小朋友,代表我結咗婚。」最終在朋友極力慫恿下報名,更順利殺入18強!

宮雪花自爆當年是好友慫恿自己去參加亞姐選美。(YouTube@HKPAG 香港演藝人協會)


宮雪花當年以47歲高齡參選亞洲小姐,哄動全港。(YouTube@HKPAG 香港演藝人協會)


豈料成功入圍後,花姐卻因心理壓力過大一度萌生退縮念頭,為了躲避出席大會記者會,竟然想出一個驚天動地的瘋狂藉口——直接衝去求家庭醫生幫她隨便找個病名「開刀做手術」!她還原當時荒誕對話:「我去醫生嗰度,我話:『你可唔可以幫我開刀呀?總之今日你幫我搵個病啦,你覺得我有咩(病),就小小手術就去(做)手術,咁我可以講畀大會聽,我開刀呀,我聽日記者會嚟唔到。』」結果醫生最終以她生過孩子患有痔瘡為由,真的為她安排了一場全身麻醉的「痔瘡手術」!

宮雪花當時雖年過40歲,但身材不俗,最後獲得「最受傳媒關注獎」。(YouTube@HKPAG 香港演藝人協會)


宮雪花為了避開記者會,竟然搵醫生開刀。(YouTube@HKPAG 香港演藝人協會)


為躲記者會惹出大麻煩

原以為做完手術便能順理成章「金蟬脫殼」,誰知卻惹來更大的麻煩!花姐隨即致電亞姐大會請假:「我今日真係嚟唔到,因為我尋晚全身麻醉開咗刀。」怎料大會聞訊後竟表示皇牌節目《今日睇真D》要親自到醫院進行突擊採訪!愛美如命的花姐一聽當場嚇破膽,深怕自己剛做完全身麻醉的「殘樣」在電視機前曝光,竟不顧剛開完刀的身體,決定立即偷走回家化妝:「我一聽,嘩!咁嘅殘樣做手術,全身麻醉一定唔靚㗎嚟嗰時屋企有司機送我嚟,走嗰時我就問隔籬病床:『你有冇100蚊?應該夠搭的士,我下午返嚟還畀你,我身上冇帶錢。』」這段「借一百蚊逃院化妝」的奇葩經歷,簡直比電視劇還要戲劇性!

被節目《今日睇真D》突擊採訪。(YouTube@HKPAG 香港演藝人協會)


宮雪花怕「殘樣」曝光,急向鄰床病友借$100衝返屋企化妝。(YouTube@HKPAG 香港演藝人協會)


笑言墓碑要刻「永遠的宮雪花」

曾被外界譽為「中國第一美婦」的宮雪花,對於網民至今仍封她為「永遠的宮雪花」,她亦幽默笑言:「我係永遠的宮雪花,將來墓碑(上)都係咁(刻),冇咩貢獻就係『永遠的宮雪花』。」至於面對年華老去與外貌變化,花姐展現出令人敬佩的通透與豁達,更道出一套「認老哲學」:「事實係老咗,如果你唔認老,你就會被人哋講:『老太婆點解自己唔認老呢?』所以自己認咗先,咁你哋會開心一點、平衡啲,宮雪花都認自己老喇!」真性情又接地氣的回應,盡顯一代奇女子的非凡氣度!

宮雪花曾有份參演《唐朝禁宮秘史》(坊間常稱《宮雪花版武則天》)飾演武則天。(YouTube@HKPAG 香港演藝人協會)


宮雪花亦有出演《康熙王朝》,飾演慧妃。(YouTube@HKPAG 香港演藝人協會)


宮雪花自認為比香港小姐還漂亮。(YouTube@HKPAG 香港演藝人協會)







本文作轉載及備份之用 來源 source: http://www.hk01.com
鍾意就快D Share啦!