掃呢頁CODE去手機

2026年11月18日 星期三

英超Fever:曼聯迎史上首位女教練 網民:球員點忍呀? #曼聯

普捷天奴(左)帶埋杜雅(右)過檔曼聯。曼聯新領隊普捷天奴即將空降帥位,呢位54歲阿根廷名帥成「魔」立即有驚喜,根據英國《太陽報》爆料,「肥普」已建立自 ...




普捷天奴(左)帶埋杜雅(右)過檔曼聯。


曼聯新領隊普捷天奴即將空降帥位,呢位54歲阿根廷名帥成「魔」立即有驚喜,根據英國《太陽報》爆料,「肥普」已建立自己教練團班底,最受矚目帶埋美國國家隊女助教杜雅一齊過檔紅魔鬼,成為曼聯創會148年以來首位女教練,唔知可唔可以「刺激」球員表現醒神啲呢?


杜雅屬於「學院派」教練,具備極高學術水平,擁有運動表現理學博士學位,作為博士研究生時期,曾經參與撰寫多篇科學論文,包括足球運動之中嘅身體反應研究,並擔任過巴塞隆拿大學、加泰羅尼亞體育學院講師,識得英文及西班牙文,亦曾於利雲特巴達隆拿女足工作。


杜雅2024年10月追隨普捷天奴加入美國國家隊擔任助教,主要負責球員體能訓練,兩人合作愉快,「肥普」當然要帶埋呢位得力助手成「魔」。曼聯本身都有1位女性運動科學專家伊莎貝爾,但並非教練人員,杜雅成為曼聯史上第1位女子教練,引起網民熱議,包括有人話:「有女性提供意見,球員應該比較聽話。」、「曼聯近期經常發生爭吵,女教練有助緩和氣氛。」


另有人講笑,稱球員掛住望杜雅,比賽時可能會分心,更加有人呼籲唔好話畀傑斯知,因為呢位紅魔鬼名宿私生活混亂,曾經同弟婦發生不倫之戀,擔心杜雅「安全」。


最強博彩盤路過關神器《串績王》:http://win.on.cc/football/ 

本文作轉載及備份之用 來源 source: http://hk.on.cc
鍾意就快D Share啦!