藝人朱敏瀚（朱仔）、劉穎鏇、張振朗及周嘉洛將在台慶進行高難度動作表演，他們昨日進行練習，朱仔攀網時不慎發生意外，於兩米高連人帶支架倒地，令全場嘩然！曾被封「地獄黑仔王」的振朗預告有電單車特技表演，笑指沒有受傷陰影，吊威吔上陣的劉穎鏇就要積極備戰。
TVB《萬千星輝賀台慶》將於本月19日隆重舉行，近日多位藝人密鑼緊鼓排練演出，其中劉穎鏇（Tiffany）、張振朗、周嘉洛及朱敏瀚昨日為表演環節進行練習，由錢嘉樂的「錢家班」負責動作設計及指導。4人以不同的高難度動作上陣，振朗與嘉洛分別跨欄及穿越障礙物；Tiffany吊威吔繞過武指的頭自轉再用腳夾實對方；朱仔就挑戰攀網，豈料排練時突然發生意外，他攀爬一個綠色巨型箱子道具，嘗試翻越鐵絲網時，該道具疑因支撐力不足突然倒塌，朱仔頓時失去平衡，從目測約兩米高的位置墮下，整個人背部重撻在墊上，令在場人士大感嘩然，身旁的周嘉洛及Tiffany隨即上前關切，幸好朱仔身手敏捷，並無大礙。
朱仔受訪時表示未有受傷，稱類似意外經常發生，未有被嚇倒，反而必須勤加練習，待正式演出時更精彩。他透露昨晨已練習近5小時，攀網只是其中一部分，雖然對他來說動作較陌生，但感覺好玩，又指昨晨錢嘉樂前來探班及親自指導，他興奮表示：「學到嘢，真係用到身上，多謝大師兄嚟探班指點，非常感恩，畢生受用！」
周嘉洛胸肌累事
至於嘉洛要在移動中的紙盒穿梭，因胸肌健壯幾乎被卡住，他尷尬表示沒有這回事，謙稱不覺得自己身材勁，只是刻意選擇穿貼身T恤才顯得大隻。他揚言追求身體健康，健碩身形只是副產品，笑言有時也不想太大隻，但控制不了，問到會否為台慶除衫演出？他說：「唔使，台慶唔係賣呢啲，除衫唔使特別睇我哋。」提及好友JW公布婚訊，嘉洛和朱仔均不敢多言，嘉洛指有在社交網點讚，朱仔則聲稱不清楚。而問到嘉洛會否為《愛．回家之三代同糖》助陣？他坦言應該沒有機會，但大讚新一輯《愛．回家》正，自己亦有追看，問到可有觀看友台的處境劇？他即避談：「要睇《三代同糖》同《璀璨之城》，好忙碌！（有冇睇陳瀅喺《璀璨之城》嘅激情戲？）仲未睇番，好想睇呀！」
張振朗預告飛車
Tiffany透露有段時間沒拍打戲，今次做武打動作要時間適應，振朗則預告好戲在後頭，自己還會有電單車特技表演：「今次只係示範咗小部分，仲有好多好犀利，真係好正！因為係台慶，公司生日，我哋會盡量做好。」多年前曾為台慶綵排而受傷的他有「地獄黑仔王」之稱，問他會否有陰影？他笑言：「已經好耐之前嘅事，我唔擔心，有咩未試過？我隔籬個拍檔會擔心。」Tiffany揚言「唔驚」，振朗卻即時篤爆：「佢唔驚，因為佢今次唔係Part我，係同朱仔拍檔！」Tiffany指4人各有發揮，亦會挑戰未試過的動作，望為觀眾帶來新鮮感及娛樂性，除了動作表演外，他們還會參與開幕的歌舞演出，並預告地點特別，但大賣關子：「我哋會喺好特別嘅地點表演，好多人未去過，可能我哋係第一批去嘅人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
