

陳曼娜爆TVB片酬難以維持生計
陳曼娜在節目中坦言自己出身單親貧寒家庭,絕非含著金鑰匙出世。正因自小體會到生活艱難,她早早便立定決心要靠雙手打拼,直言「老咗做唔到嘢,我一定要有錢」。談到昔日在無綫(TVB)拍劇的日子,陳曼娜透露單靠演員微薄的片酬根本難以維持生計,這在行內已是「公開的秘密」。當年亦有不少同事為了養家,甚至轉行揸的士,而她為了繼續追尋演藝夢,便逼自己學習投資理財,靠賺取額外收入來支撐生活。
炒股初期誤信圈中人慘受教訓
陳曼娜透露自己少女時期初涉股海時亦曾一竅不通,更曾因輕信行內人的股票「貼士」而慘遭「跣」了一鑊,幫人在高位接貨:「股票真係好蝦人玩,唔係你做莊變幻好大、好撞彩。以前我係亂咁買,人哋講咩我就信,有時有啲朋友係莊家添,佢自己賣出就叫你買,即係顛倒嚟做,我瀨嘢」至於該名圈中人的身份,陳曼娜拒絕透露,僅無奈表示「都係影圈嘅人,唔熟唔食」。經歷過慘痛教訓後,她笑言近十多年已學精不少,清楚知道應該如何買賣,投資變得極為穩陣,更奉勸身邊朋友如果唔識控制,最好切勿沾手股票。
買磚頭「只買不賣」
相對於大起大落的股市,陳曼娜認為買樓收租才是最穩陣的致富之道。早在20歲出頭,她便成功上車買樓送給母親,多年來一直奉行「只買不賣、長線持有」的策略。作為資深業主,陳曼娜最怕遇到「租霸」或破壞單位的惡客,她笑言自己「揀租客仲嚴過揀女婿」,不僅要求對方職業穩定,更要確保有足夠經濟能力。她自爆曾有一個單位因為一直遇不到合心水的租客,寧願白白丟空長達一年半,亦堅決不肯隨便出租。
揀租客如揀女婿
面對近年香港騙案猖獗,陳曼娜亦分享了防騙心得。她透露近期放租單位時,曾有多名地產代理推介一些「出手極高」的準租客,但她細查背景後即一眼看穿破綻:「第一,佢無一個工作證明,佢畀一啲……都係假嘅,因為又無公司嘅、或者公司又話喺外國,稅單又無。但佢哋嘅價錢係畀到足嘅,我情願唔租。」最終在她的耐心等待下,終於成功將單位租予一名背景清白、穩健可靠的國際學校教師。
本文作轉載及備份之用 來源 source: http://www.hk01.com
|
鍾意就快D Share啦!
|
|
|


