提及與謝東閔及黎振燁的三角關係，朱智賢在節目中數度落淚，坦言：「我一定係做錯咗，處理感情問題好差，錯就係錯。」當主持伍詠薇追問道發生「蛋糕事件」前為何情緒會如此波動及不開心時，朱智賢直指與前任的關係「中間發生咗啲事」而產生裂痕，對男方失去信任：「本身其實好sweet嘅，之後就發生咗啲事，自此所有嘢都變晒，因為我開始變得冇安全感。（對佢冇咗信任？）係，佢做任何嘢，我都覺得佢唔知去咗邊度。因為我不嬲好信任佢，中間其實有啲時候已經開始懷疑…你知女人嘅第六感，有少少sense到，會留意到另一半有啲行為有啲唔同，你開始sense到有啲習慣改變咗，或者成日唔見咗人，唔得閒。」
伍詠薇隨即問道，為何還要繼續跟對方走下去，朱智賢的情緒瞬間崩潰，哽咽表示：「你問我，只有一個原因，因為我真係好愛佢。我睇返自己咁多年，係好愛呢個人先留喺佢身邊咁多年……因為我覺得每個人，都有一次值得改過嘅機會，你做錯事我可以畀一次機會你改。我睇返自己，係唔捨得，所以我繼續，最後傷害到嘅其實係自己。」經歷長期的拉扯後，兩人在去年宣布分手，謝東閔當時發文指：「我們有共識地決定以後會以不同身分繼續支持及守護對方」。
對於此事，謝東閔接受傳媒訪問時表示：「過去嘅事情，過去就讓他過去，大家往前看就好了，希望佢以後幸福快樂。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
