前無綫花旦朱智賢（Ashley）憑無綫旅遊節目《3日2夜》展現姣好身材而走紅，然而性感形象背後，卻隱藏無數辛酸與委屈。近日她現身訪談節目，不僅首度公開談及當年背男友謝東閔暗交人夫黎振燁的感情風波，更沉重揭露新人時期拍攝旅遊節目時，遭到全男班攝製隊要求「半裸浸溫泉」等過分要求與黑歷史。
提及與謝東閔及黎振燁的三角關係，朱智賢在節目中數度落淚，坦言：「我一定係做錯咗，處理感情問題好差，錯就係錯。」她透露在遇上黎振燁前，與謝東閔的感情早因「中間發生咗啲事」而產生裂痕，對男方失去信任。儘管曾察覺對方行為有異並查閱電話，但因過度愛對方而選擇心軟留下，結果換來的卻是一再失望與猜疑。那段時間她情緒陷入谷底，加上飛往外地工作時無助感爆發，適逢同劇的黎振燁主動關懷並聲稱「已與妻子分居」，才一時糊塗陷進去。她自責當時太「白癡」，並以自身經歷告誡大家，未來若發現感情不對路，即便再愛也必須果斷放手。
訪問中朱智賢不禁落淚：「我一定係做錯咗，處理感情問題好差，我唔會畀自己任何藉口去解釋，錯就係錯。」被問到與謝東閔之前發生了甚麼事令她不開心，朱智賢說：「本身其實好sweet，跟住就…發生咗啲事，自此所有嘢變晒，因為我開始變得好冇安全感。（對佢冇咗信任？）係。佢做任何嘢，我都覺得佢唔知去咗邊度。因為我不嬲好信任佢，中間其實有啲時候已經開始懷疑…你知女人嘅第六感，有少少sense到，會留意到另一半有啲行為有啲唔同，你開始sense到有啲習慣改變咗，或者成日唔見咗人，唔得閒。」她稱兩人曾為不信任、猜疑起爭執：「佢（謝）仲惡過我…我有話過分開，但佢求我留低。我都講過話，我太了解自己，我唔得㗎。我個人本身已經好冇安全感，冇事發生已經係咁，有事發生我直頭係癲咗。」
那段時間，朱智賢需要不停飛拍攝旅遊節目：「飛七日，七日就會好似癲咗咁：你喺邊？你做緊咩？你點點點…我話真係唔得喇，佢就求我、氹我，講咗好多方法出嚟，但結果，去到有嘢懷疑嘅時候，（搖搖頭）原來全部嘢都係假。佢求你係一回事，『你返咗嚟就返咗嚟啦，我（謝）咪做番我自己囉！你（朱）懷疑係你有問題！你唔信我係你有問題。』」朱智賢傷心謂：「當時明明講好咗話點點點，但原來，我留低咗喇，到我有疑問、或者冇安全感嘅時候，大家會鬧交。我（被指）係有問題嗰個囉，我係有問題嗰個。」
被問何以當時明知不妥仍心軟留下？她苦笑：「得一個原因，因為我真係好愛佢。到依家我都係咁答。我睇番自己咁多年，我係好愛呢個人，先會留喺佢身邊咁多年。」說畢不禁落淚。再被追問分手是哪一方決定？朱說：「你問我，我覺得每個人都值得一個改過嘅機會，你做錯事，我可以畀一次機會你…大前提係因為你好愛嗰個人，你先會畀機會…我學識咗，將來再遇到好愛好愛嘅人，唔適合、覺得唔對路嘅話，就算幾愛，都真係要斷。我唔係一個好斷捨離嘅人，對所有事都係。我睇番自己，真係好唔應該。我唔捨得，所以我繼續， 而最後傷害到嘅係自己。」
對於這件事，謝東閔接受東網訪問時表示：「過去嘅事情，過去就讓他過去，大家往前看就好了，希望佢以後幸福快樂。」
除感情風波，朱智賢大爆昔日拍攝旅遊節目的潛規則與委屈。她回憶有次遠赴台南拍攝，突然被帶到規定必需全裸的溫泉區，現場攝製隊清一色皆為男士。導演竟要求她「上面乜都唔着」、僅穿泳褲半裸上陣拍背影：：「我就話『吓！點拍？』，我話唔得喎，咁會畀人鬧，呢度規矩係要（除晒）。佢哋話唔緊要，冇人嘅時候快快脆脆拍咗佢。」在追問下，朱智賢才驚覺「泳褲」的意思是半裸上陣拍背脊！朱智賢因擔心側漏走光，且身邊毫無女性工作人員可協助留意，當場極度抗拒，最令她崩潰：「嗰個trip全部都係男士，一個女都冇！我問唔到人我有冇走光啊，即係我冇理由問個男士，你睇唔睇到呀！」
為保護自己，她鼓起勇氣搬出父親做擋箭牌，反問男導演：「你自己都係人哋爸爸，你都應該明㗎，如果係你個女你會想點？」沒想到此言一出當場辣㷫導演，大罵她臨時拒絕拍攝。雖然最終成功護身，但當時身為新人的她承受巨大壓力，只能獨自匿埋房間哭泣與恐慌，深怕遭到封殺或報復。
朱智賢坦言當年《3日2夜》因泳裝元素爆紅，卻讓部分導演產生既定印象，甚至提出不合理要求。她更重提另一次「潛水衣事件」，透露曾有男導演要求她穿潛水衣時「不可以拉上拉鏈」，意圖博取眼球：「佢話你記住呢，冇拉鏈喎，出到嚟先拉鏈。」她直言當下覺得極反感，怒斥該男導演不尊重女性：「我望住佢，變態㗎喎！」她強調明白節目效果需要，但絕不會為博出位而硬食不合理要求，堅持守住女性底線。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
