《騙中傳奇》拍到集體抗議 每晚瞓兩粒鐘直踩監製房
在張家輝隔空要求下，TVB近日深夜重播《騙中傳奇》，而網民亦率先重溫當中情節，包括張家輝去劫獄但冇帶鎖匙。問到宣萱該段對白是否爆肚？「呢個真係唔記得，我係記得當日拍得好辛苦，辛苦到要四個組團（宣萱、張家輝、錢嘉樂、苑瓊丹）上監製房傾偈。」事緣當時劇集是邊寫邊拍，但編劇往往將四人放在同一場戲。「平時劇集會分開兩條線，咁一邊開工另一邊可以休息，但呢套因為成日一齊拍，搞到每晚瞓得兩、三個鐘，最後要向監製反映。」
宣萱揭30幾度著古裝暴曬之苦
最後訴求得到回應，當中包括少少「威脅」成份。「始終都係一個人，同你捱三日都要畀我瞓返半日嘛？如果唔係就『冧廠』（告病假停工），所以好快就分番開兩條線寫。」宣萱坦言自己習慣有問題就出聲，而當時是四位都覺得有問題。「記得要去東龍島拍外景，30幾度著古裝，塊反光板打埋嚟，四個都睜唔開對眼，瞇晒眼去演。所以最緊要訴求合理，合理就可以講。監製聽完都明，好快就有改動。」宣萱承認當年是勇猛一點，現在學識了用懷柔方式去表達。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
