衛詩雅聞訊直呼「好恐怖」 關切涉案男子是否落網
金像影后衛詩雅（Michelle）今日（3/11）以亮眼造型現身品牌活動，同場更有韓國女神宋慧喬。狀態大勇的衛詩雅在接受《香港01》訪問時，首度得知濱崎真緒於夜店疑遭落藥送ICU的震撼新聞，瞬間展現出極度驚訝與擔憂。
衛詩雅聞訊後第一時間關切案情，追問：「吓！拉唔拉到個人啊？」並驚魂未定地表示：「好恐怖真係！竟然有啲咁嘅事？大家都真係要小心啲啊！」對同為女性在工作場所遭遇此類危險感到十分痛心與不安。
衛詩雅分享「夜場防身術」 媽媽從小傳授3大保命鐵律
面對夜場安全隱患，衛詩雅隨即分享從小到大媽媽傳授給她的夜場防身保命提示，呼籲所有女性在外工作或社交時必須提高警惕：「不過呢樣嘢呢，我由細到大媽咪都好嚴格咁教我。無論你去外面食飯定係飲嘢，只要你離開過自己張枱，去完洗手間或者離開過視線，返到嚟就盡量唔好再飲原本嗰杯嘢！或者每次返嚟，寧願再叫過另外一杯新嘅。去到邊都一定要識得保護自己，自備飲品或者睇緊自己杯嘢最安全！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
