掃呢頁CODE去手機

2013年5月9日 星期四

栢芝遊台 林心如幫湊仔




明明有腰傷,但張栢芝玩射籃又準又快,仲露出粉紅底褲邊。

同你吟一吟

栢芝遊台 林心如幫湊仔

參加國內節目《舞出我人生》,導致腰部舊患復發嘅張栢芝,據講要暫停錄映養傷,唔跳得,一樣玩得!唔聲唔聲,帶埋兩個仔 Lucas同 Quintus去台灣 happy。

又要兩個細路請假唔返學,栢芝解釋因為係 Lucas契爺契媽大婚,所以先同兩個小朋友一齊飛去飲。一場嚟到,星期一(五月六日)下午,栢芝帶住兩個仔四圍玩,仲有一個男性友人同行帶路!

栢芝先安頓兩個仔去咗兒童樂園,自己就同朋友四圍行,點知經過遊戲機中心,佢忽然機癮大發,街都唔行,走咗入去玩賽車,仲有講眼明同腰力嘅射籃遊戲。

睇嚟栢芝腰傷一啲都唔嚴重,佢玩射籃,贏同行友人,加上動作大,露出粉紅底褲邊。玩咗大半粒鐘,栢芝先返去遊樂場接走兩個仔,之後會合好姊妹林心如。

見到 auntie心如, Lucas同 Quintus最開心,因為有得去玩具店掃禮物。又係嘅,唔使返學,又有得玩,邊個小朋友會唔開心呢!

玩完射籃,再去玩機動賽車,臨去湊仔前,玩埋扭蛋機。

林心如拖 Lucas,栢芝拖 Quintus,一齊去玩具店掃貨。

Quintus全程黐實 auntie心如睇玩具,之後去埋有音樂會鬱嘅飛機,好開心。

三仔乸夜晚去睇《鐵甲奇俠 3》,但戲院規定六歲以下兒童不得內進,即使栢芝成功偷運兩個仔入場,最後都俾人請走。

台灣大把老友,栢芝吹雞晚飯,小 S及吳佩慈(短褲)都有現身。



鍾意就快D Share啦!