全城熱爆的娛樂八封新聞 & 時事趣聞 & 生活 + 趣聞
注重健康嘅人，通常都較少出街食飯，寧願煩啲自己買餸煮，食簡單啲。周潤發鍾意食屋企飯，雖然主力做夥頭軍嘅係發嫂，但發哥興致到，亦會蒲街市，整番一兩味，過吓手癮。
早個禮拜，《壹》仔喺九龍城街市見到發哥入咗間海味鋪買嘢，跟住再去埋雜貨店，買咗兩盒五蚊嘅潮州韮菜粿、番薯粿。九龍城買啲乜去邊度，知曬架步，一啲都唔輸俾老婆。 另一日，《壹》仔喺九龍城撞到無綫戲劇組高層梁家樹，同老婆蕭笑鳴拍拖嚟買餸，老婆入街市買菜，佢就閃咗入海味鋪揀鮑魚。都係發哥幫襯嗰間，只不過，鮑魚唔啱胃口嘅發哥只係買鹹魚！
鍾意食潮州嘢嘅發哥，韮菜粿、番薯粿啱食，順便買埋鹹魚返歸蒸肉餅。
梁家樹揀乾鮑，逐隻攞喺手聞。
